CHANSON XCII

Dieu vous cond.ue, Doulx Penser, Et vous doint faire bon voyage , Rapportez tost joyeux messaige Vers le cueur pour le conforter.

Ne vueillez gueres demourer, Exploitiez comme bon et saige, Dieu vous conduie, Doulx Penser, Et vous doint faire bon voyage.

Riens ne vous convient ordonner, Les secrez savez du couraige , Besongnez à son avantaige Et pensez de brief retourner.

Dieu vous conduie, Doulx Penser,

CHANSON XCIIl.

Puis que par deçà demourons.

Nous Saulongnois et Beausserons , En la maison de Savonnieres ,

Souhaidez nous des bonnes chieres Des Bourbonnois et Bourguignons.

Aux champs, par hayes et buissons, Perdrix et lyevres nous prendrons, Et yrons pescher sur rivières , Puis que par deçà demourons.

Nous Saulongnois et Beausserons, En la maison de Savonnieres.

Vivres, tabliers, cartes aurons Où souvent nous estudirons Vins, mangers de plusieurs manières; Calerons , sans faire prières , Et de dormir ne nous faindrons, Puis que par deçà demourons.