CAROLE II

Avancez vous, Espérance Venez mon cueur conforter Car il ne peut plus porter Sa tresgreveuse penance.

Pieça, Joyeuse Pensée S'esbatoit avecques lui,

Mais elle s'en est alée, Tant a pourchassé Ennuy.

Se vous n'avez la puissance De tout son mal lui oster Plaise vous à alegier Au moins un peu sa grevance, Avancez vous. Espérance.

Vous lui avez fait promesse De le venir secourir,

Et de lui toUir tristesse.

Mais trop le faittes languir.

Ayez de lui souvenance Et le venez deslogier De la prison de Dangier Où il meurt en desplaisance; Avancez vo^.ls, Espérance.