CAROLES

Espoir m'a dit que Léauté Vous fera souvenir de moy Car vostre bonne voulenté Ne peult faillir, comme je croy.

Quant est à moy, je vous supply Pensez que l'anvDureux party Que j'ay prins changier ne pourroye.

Certes avant mourir vouldroye.

Je vous promets qu'il est ainsi, N'avez vous point mis en oubly?

Amour a tort, se m'est advis, Qu'il ne fait aux dames sentir Les maulx 011 leurs servans sont mis Pour les tresléaument servir.

Pour vous ma Dame, je le dy, Car se vous saviez le soussy Qu'Amours, pour vous servir, m'envoye, Vous diriez bien que j'auroye De droit, gangnié le don d'amy.

N'avez vous point mis en oubly ?

Puisqu'Amour veult que banny soye De son hostel, sans revenir,v(^ Je voy bien qu'il m'en fault partir, Effacé du livre de Joye.

Plus demeurer je n'y pourroye, Car pas ne doy ce mois servir , Puisqu'Amour veult que banny soye '<■ De son hostel, sans revenir.^

De Confort ay perdu la voye, Et ne me veult on plus ouvrir La barrière de Doulx Plaisir, Par Desespoir qui me guerroyé Puis qu'Amour veult que banny soye. '

Pour le don que vous m'avez donné, Dont tresgrant gré vous doy savoir, J'ay congneu vostre bon vouloir,

78 CHARLES d'oRLÉANS,

Qui VOUS sera bien guerdonné.

Raison l'a ainsi ordonné : Bien fait doit plaisir recevoir Pour le don que vous m'avez donné, Dont tresgrant gré vous doy savoir.

Mon cueur se tient emprisonné Et obligé, pour dire voir, Jusqu'à tant qu'ait fait son devoir Vers vous, et se soit raençonné Pour le don que vous m'avez donné.