RONDEAU XXXVIII
Baillez lui la massue A cellui qui cuide estre Plus subtil que son maistre, Et sans raison l'argue.
Ou sera beste mue Quant on l'envoyera pestre ; Baillez lui la massue A cellui qui cuide estre.
Quoy qu'il regibe, ou rue, Si sault par la fenestre, Comme s' 1 vint de nestre !
Sera chose c-perdue ; Baillez lui la massue.
JOO CHARLES d'orLÉANS.
Il vit en bonne espérance, Puis qu'il est vestu de gris, Qu'il aura, à son advis.
Encore sa desirance.
Combien qu'il soit hors de France, Par deçà le mont Senis, Il vit en bonne espérance, Puis qu'il est vestu de gris.
Perdu a sa contenance El tous ses jeux et ses ris, Gaigner lui fault Paradis Par force de paciance, Il vit en bonne espérance.
Ubi supra N'en parlons plus Des tours cornulz Et cœtera.
Non est cura De telz abus, Ubi supra N'en parlons plus
Mala jura Sont suspendus Ou deffenj'js, Et reliqua, Ubi supra.
RONDEAUX. lOI
RONDEAU XLl.
Noli me tangere^ Faulte de serviteurs, Car Bonté de seigneurs Ne les scet/rangere.
Il vous fault regere.
En craintes et rigueurs, Noli me tangere, Faulte de serviteurs.
De hault erigere Trop tost en grans faveurs.
Ce ne sont que foleurs ; Bien m'en y^ux'-, plan gère \ Noli me tangere.
Maistre Estienne Le Goût, nominatif, Nouvellement, par manière optative, Si a voulu faire copulative; Mais failli a en son cas génitif.
Il avait mis six ducatz en datif, Pour mieulx avoir s'amie vocative, Maistre Estienne Le Goût, nominatif Nouvellement, par manière optative.
Quant rencontré a un accusatif Qui sa robbe lui a fait ablative; De fenestre assez superlative A fait ung sault portant coups en passif, Maistre Estienne Le Goût, nominatif i
CHAULES d'oRI.KANS.
Réponse de maitre Estienne Le Goût.
Mon seigneur tressupellatif, Pour respondre au narratif De vostre briefve expositive , Elle fut premier vocative.
Par le moyen du génitif.
Les six ducat^ sont nombratif.
Mais quant au fait du possessif La chose est un peu neutrative, Mon seigneur tressupellatif, Pour respondre au narratif De votre briefve expositive
Et, quant au dangier du passif, J'ai saufconduit prerogatif.
Par quoy mettray paine soubtive D'accorder, sus la négative, L'adjectif et le substantif.
Mon seigneur tressupellatif.
Près là, briquet aux pendantes oreilles, Tu scez que c'est de déduit de gibier, Au derrenier tu auras ton loyer, Et puis seras viande pour corneilles.
Tu ne fais pas miracles mais merveilles Et as aide pour te bien enseigner ;
RONDEAUX lo3
Près là, briquet aux pendantes oreilles, Tu scez que c'est de déduit de gibier.
A toute heure dili,t;emment traveilles, Et en chasse vaulx autant qu'un limier, Tu amaines, au tiltre de lévrier, Toutes bestes, et noires et vermeilles, Près là, briquet, aux pendantes oreilles.
Or s'y joue qui vouldra.
Qui me change, je le change ; Nul ne le tiengne chose estrange D'avoir selon qu'il fera !
Quant par sa faulte fera, Gré ne dessert, ne louange, Or s'y joue qui vouldra.
Qui me change, je le change.
Puisque advisé on l'en a Et à raison ne se range, S'après elle se revange.
Le tort à qui demourra?
Or s'y joue qui vouldra.
Orléans à Alencon.
En la vigne jusqu'au pcschier Estes boule, mon hlz treschier.
Dont, par ma foy, suis tresjoyeulx Quant de rimer vous voy songneux Et vous en voulez empeschier.
Soit au lever, ou au couchier, Ou quant vous devez chevauchier, Estalez vous y pour le miculx; En la vigne jusqu'au peschier Estes bouté, mon filz treschier, Dont, par ma foy, suis tresjoyeulx.
Se Desplaisir vous vient scrchier, Près de lui tost vous despeschier, Sans estre merencolieux, Grant bien vous fera, se m'aid Dieux, En la vigne jusqu'au peschier.
Réponse d'Aleiiçon.
Le vigneron fut atrapé, Quant il fut trouvé en la vigne.
Trop mieulx que poisson à la ligne, Ne que rat au lardon liapé.
D'un trait d'ueil fut prins et f râpé Par celle qui pas ne for ligne, Le vigneron fut atrapé Quant il fut trouvé en la vigne.
A peine lui fut escimppé Le povre compaignon qui pigne ; Tresnial pigné des dents d' nu pigne ; Ainsi sur prins et agrapé Le vigneron fust atrapé.
Quant je fus prins ou pavillon De ma dame tresgente et belle, Je me brulay à la chandelle, Ainsi que fait le papillon :
Je rougiz comme vermeillon, Aussi flambant qu'une estincelle, Quant je fus prins ou pavillon.
De ma Dame tresgente et belle.
Si j'eusse esté esmerillon Ou que j'eusse eu aussi bonne aile, Je me le-isse gardé de celle Qui me bailla de l'aigLullon Quant je fus prins ou pavillon.
Encore lui fait il grant bien De veoir celle qu'a tant amée, A celui qui cueur et pensée Avoit en elle, comme sien.
Combien qu'il n'y aye plus rien Et qu'autre la lui ait ostée, Encore lui fait il grant bien De veoir celle qu'a tant amée.
En regardant son doulx maintien Et son fait qui moult lui agrée, S'il la peut tenir embrassée, Il pense que une foiz fust sien J Encore lui fait il grant bien.
I06 CHARLES d'oRI.KANS
