RONDEAU LXXVIII

Le premier jour du mois de May, De tanné et de vert perdu.

Las ! j'ay ti-ouvé mon cueur vestu, Dieu scet en quel piteux array !

Tantost demandé je lui ay, Dont estoit cest habit venu.

Le premier jour du mois de xMay, De tanné et de vert perdu.

Il m'a respondu, bien le sçay, Mais par moy ne sera cogneu ; Desplaisance m'en a pourVeu, Sa livrée je porteray.

Le premier jour du mois de may.

Le monde est ennuyé de moy, Et moy pareillement de lui ; Je ne congnois rien au jour d'ui Dont il me chaille que bien poy.

Dont quanque devant mes yeulx voy, Puis nom.mer anuy sur anuy.

Le monde est ennuyé de moy, Et moy pareillement de lui.

Chierement se vent bonne foy ; A bon marché n'en a nuUuy ; Et pource, se je suis cellui Qui m'en plains, j'ay raison pourquoy : Le monde est ennuyé de moy.

De riens ne sert à cueur en desplaisance, Chanter, danser, n'aucan esbatement, Il lui souffist de povoir seulement Tousjours penser à sa maie meschance.

Quant il congnoist qu'en hazart gist sa chance, Et désir n'est à son commandement.

De riens ne sert à cueur en desplaisance, Chanter, danser, n'aucun esbatement.

S'on rit, pleurer lui est d'acoustumance ; S'il peut, à part se met le plus souvent. Afin qu'à nul ne tiengne parlement; Pour le guérir jà mire ne s'avance ; De riens ne sert à cueur en desplaisance.

124 CHARLES d'orLÉANS.

Vous y fiez vous En Mondain Espoir ?

S'il scet décevoir, Demandez ù tous.

Son attrait est doulx, Pour gens mieulx avoir.

Vous y fiez vous En Mondain Espoir ?

De joye ou courroux, Soing ou nonchaloir, Veult, à son vouloir, Tenir les deux boux, Vous y fiez vous ?