RONDEAU CXXXIX

Je ne hanis pour autre avoine, Que de m'en retourner à Blois; Trouvé me suis pour une fois Assez longuement en Touraine.

J'ay gale, à largesse plaine, Mes grans poissons et vins des Grois, Je ne hanis pour autre avoine Que de m'en retourner à Blois.

A la court plus ne prendray paine, Pour generaulx et millenois, Confesser à présent m'en vois Contre la peneuse sepmaine.

Je ne hanis pour autre avoine.

Je congnois assez telz debas Que l'ueil et le cueur ont entre eulx. L'un dit : Nous serons amoureux, L'autre dit : Je ne le vueil pas.

Raison s'en rit, disant tout bas :

Escoutez moy ces maleureux ; Je congnois assez telz debas Que l'ueil et le cueur ont entre eulx.

Lors m'en vois plustost que le pas, Et les tanse si bien tous deux Que je les laisse treshonteux; Mainteflfoiz ainsi me combas; Je congnois assez telz debas.

I 58 CHARLES d'oRLKANS.

Que pensé je? dittes le moy; Adevinez, je vous en prie, Autrement ne le saurez mie; Il y a bien raison pourquoy.

A parler à la bonne foy, Je vous en fais juge et partie :

Que pensé je? dittes le moy; Adevinez, je vous en prie.

Vous ne saurez, comme je croy; Car heure ne suis ne demye Qu'en diverse merencolie; Devisez, je me tairay quoy.

Que pensé-je? dittes le moy.

RONDEAU CXLH.

Cueur, que fais-tu? revenge toy De Soussy et Merencolie; C'est deshonneur et villenie De laschement se tenir coy.

Je t'ayderay, quant est à moy, Voulentiers; or ne te fains mie.

Cueur, que fais-tu? revenge toy De Soussy et Merencolie.

N'espergne riens, scez tu pourquoy?

Pource qu'abrégeras ta vie Se les tiens en ta compaignie.

Desconfiz les et prens leur foy.

Cueur, que fais tu? revenge toy.

RONDEAUX. l5q