RONDEAU CXLIII

Plaindre ne s'en doit Loyal Cueur, S'Amours a servy longuement, Recevant des biens largement Et pareillement de douleur.

N'est ce raison que le seigneur Ait tout à son commandement!

Plaindre ne s'en doit Loyal Cueur, S'amours a servy longuement.

Se plus a desservi Doulceur Que ne trouve à son jugement, En gré prengne pour payement Moins de proutit et plus de honneur.

Plaindre ne s'en doit Loyal Cueur.

Par les portes des yeulx et des oreilles, Que chascun doit bien saigement garder, Plaisir Mondain va et vient, sans cesser, Et raporte de diverses merveilles.

Pourcc, mon cueur, s'a Raison te conseilles, Ne le laisses point devers toy entrer Par les portes des yeulx et des oreilles, Que chascun doit bien saigement garder.

A celle fin que par lui ne t'esveilles, Veu qu'il te fault désormais reposer, Dy lui : Va t'en, sans jamais retourner. Ne revien plus, car en vain te traveilles Par les portes des yeulx et des oreilles.

CllARL-îS d'oRL^AN!».

En faittes vous doubtc?

Point ne le devez, Veu que vous savez Ma pensée toute.

Quant mon cueur s'y boute.

Et vostre l'avez, En faittes vous doubte?

Point ne le devez.

Dangier nous escoute, Sus, tost achevez, Ma foy recevez, Jà ne sera route; En faittes vous doubte?

En faittes vous doubte Que vostre ne soye?

Se Dieu me doint joye Au cueur, si suis toute.

Rien ne m'en déboute, Pour chose que j'oye.

En faittes vous doubte Que vostre ne soye?

Dangier et sa route S'en voisent leur voye, Sans que plus les voye !

Tousjours il m'escoute, En faittes vous doubte?

RONDEAUX. loi

RONDEAU CXLVlI.

A qui les vent on Ces gueines dorées?

Sont elz achettées De nouvel, ou non?

Par prest, ou par don En idit on livrées?

A qui les vent on Ces gueines dorées?

Alant au pardon, Je les ay trouvées; De telles denrées, C'est petit guerdon.

A qui les vent on?