RONDEAU CLV

Rescouez ces deux povres yeulx Qui tant ont nagé en Plaisance Qu'ilz se nayent sans recouvrance; Je les tiens mors ou presque tieulx.

Vidés les tost, se vous aist Dieux, En la sentine d'Alegence; Rescouez ces deux povres yeulx Qui tant ont nagé en Plaisance.

Courez y tous, jeunes et vieulx.

Et à cros de bonne Espérance, De les tirer hors qu'on s'avance!

Chascun y face qui mieulx, mieulx î Rescouez ces deux povres yeulx!