RONDEAU CLIV

Des arrérages de Plaisance, Dont trop endebté m'est Espoir, Se quelque part j'en peusse avoir, Du surplus donnasse quictance.

Mais au pois et à la balance N'en puis que bien peu recevoir Des arrérages de Plaisance, Dont trop endebté m'est Espoir.

Usure ou perte de chevance Mettroye tout à non chaloir. Se je savoye, à mon vouloir, Recouvrer prestement finance Des arrérages de Plaisance.