RONDEAU CLXXXIX
Autre réponse par Orléans, en guise de recette.
Les malades cueurs amoureux Qui ont perduz leurs apetiz, Et leurs estomacs refroiJiz Par soussiz et maulx douloureux,
Diète gardent sobrement, Sans faire excès de Trop Douloir ; Chaulx electuaires souvent Usent de Conforté Vouloir;
Succres de Penser Savoureux, Pour reconforter leurs esperiz; Ainsi pevent estre gueriz, Et hors de Danger langoureux, Les malades cueurs amoureux.
Autre réponse par Monseigneur Jean de Lorraine.
Pour brief du mal d'amer guérir, Esloingner l'air de Souvenir Convient, sans grant merencolie Après tous mes, mengier oublie Près du couchier, pour mieulx dorir.ir
If)6 CHARLES n'OR LÉ AN s.
De Non Chaloir, pour adoulcir La medicine de Désir, Prendre failli la plus grant partie; Pour brief du mal d'amer guérir, Esloingner l'air de Souvenir.
Puis ung beau régime, à l'issir De vostre accès, pourrez choisir, D'une Léaulté my partie, Affin que ne reuchéej ttijye, Faittes Reffu^ d'Amour bannir.
Pour brief du mal d'amer gucrir.
Autre réponse en guise de recette.
Pour tous voz maulx d'Amours guérir, Prenez la fleur de Souvenir Avec le just d'une ancolie, Et n'obliez pas la soussie, Et meslez tout en Desplaisir.
L'erbe de Loing de son Désir, .
Poire d'Angoisse pour refreschir, Vous envoyé Dieu, de vostre amye, Pour tous voz maulx d'Amours guérir.
Pouldre de Plains pour adoulcir, Feille d'Auhre Que Vous Choisir, Et racine de Jalousie, Et de tretout la plus partie Mettes au cueur, avant dormir, Pour tous voz maulx d'Amours guérir.
Puis que tu t'en vas, Penser, en message, Se tu fais que sage, Ne t'esgarc pas.
Au mieulx que pourras, Pren le seur passage, Puis que tu t'en vas, Penser, en message.
Tout beau, pas à pas, Reffrain ton courage, Qu'en si long voyage Ne deviengnes las, Puis que tu t'en vas.
L'ueil et le cueur soient mis en tutelle, Si tost qu'ilz sont rassotez en amours : Combien qu'il a plusieurs qui tont les lours Et ont trouvé contenance nouvelle,
Pour mieulx embler privéement Plaisance Mommerie, sans Parler de la bouche, En beaux abiz d'or cliquant d'Acointance, Soubz visières de Semblant qu'on n'y touche,
Faignent souvent l'amoureuse querelle.
Ainsi l'ay vu faire en mes jeunes jours *, Vestu m'y suis à droit et à rebours.
Je jangle trop, au fort, je me rappelle; L'ueil et le cueur soient mis en tutelle !
KjS CHAULES n'OKi-ÉANS.
Par Monseigneur de I.orraina.
Pour eschever plus grant dangicr.
Certes, mon cueiir, il est mestier, Puis que )70us alons véoir la belle, Qiie iene^ mon ueil en tutelle, Qit'i ne vous donne à besongner.
Commande^ lui bien, sans prier, Qii'il ne croie riens de legier, Dont il vous rapporte nouvelle ; Pour eschever plus grant dangier.
Certes, mon cueur, il est mesiier.
Puis, s'il ne s'y veult obligier, Mette^ Raison pour espier A part sa couverte cautelle ; Car c'est cellui seul qui se mesle De tieulx defaultes corrigier, Pour eschever plus grant dangier.
