RONDEAU CCXCIX

Je vous sans et congnois venir, Ennuyeuse Merencolie ; Mainteffoiz, quant je ne vueil myc, L'uys de mon cueur vous fault ouvrir.

Point ne vous envoyé quérir, Assez hay vostre compaignie.

Je vous sans et congnois venir, Ennuyeuse Merencolie.

Jeunes pevent paine souffrir, Plus que vieillars; pource, vous prie Que n'ayez plus sur nous envie, Ne nous vuelliez plus assaillir; Je vous sans et congnois venir.

RONDEAU CGC.

Mentez, menteurs à quarterons, Certes point ne vous redoubtons, Ne vous, ne vostre baverye ; Loyaulté dit, de sens garnie :

Fy de vous et de voz raisons.

On ne vous prise deux boutons, Et pource, nous vous déboutons, Esloignant nostre compaignie ; Mentez, menteurs à quarterons, Certes point ne vous redoubtons, Ne vous, ne vostre baverye.

Voz parlez, Pires que poisons, Boutent par tout feu en maisons ; Que voulez vous que l'en vous die ?

Dieu tout puissant si vous mauldie, Vous donnant de maulx jours foisons !

Mentez, menteurs de quarterons l

Par Gilles des Ormes,

Pour bien mentir souvent et plaisamment, Mais qu'il ne tourne à aucun préjudice, Il 7n'est advis que ce n'est point de vice, Mais est vertu et bon entendement.

On en voit maint eslevé haultement.

Bien recueilly et requis en service, Pour bien mentir souvent et plaisamment. Mais qu'il ne tourne à aucun préjudice.

Mais controuveurs qui jnentent faulcement Pour diffamer quelcun par leur malice, Soient pugni^ par droit, selon justice; Pource,, chascun s'avise saigement Pour bien mentir souvent et plaisamment.

RONDEAU ceci.

Des soucies de la court J'ai acheté au jourduy, De deulx bien garny j'en suy.

Quoy que mon argent soit court.

A les avoir chascun y court, Mais quant à moy, je m'enfuy.

Des soucies de la court J'ay acheté au jourduy.

Je deviens vieil, sourt et lourt, Et quant me treuve en ennuy, Non Chaloir est mon apuy, Qui mainteffoiz me secourt Des soucies de la court.