LA Y PITEUX

Bonne saison, bon temps avoye, Elas ! amy, quant vous véoye.

Reconfort bon et vous prenoye ; Tant de plaisir et d'autre bien Rejoïssoit ma seule joye ; A vo vouloir me soubzmectoye; Nul autre bien ne demandoye Dessoubz les cieulx pour estre mien,

Que vostre amour que tant amoye, En vous servant me delictoye!

Et pourquoy non ! bien seur estoye Que vous m'aimiez tresloyaument; Et quant jadiz vous requeroye Que vo servant estre vouloye, Mon seul vouloir vous appelloye Et mon vaillant entièrement.

Vous me dictes si douicement, En moy baisant et accollant :

« Amy, amons nous chierement,

Baille ton cueur, et prcns le mien; »

Et je changay joyeusement, Et vous aussi si liement, Etfeïsmes loyal serment Qu'avons tenu, je le sçay bien.

Et est vray qu'oncques cresticn En amours n'eust autant de bien (Gardant vostre honneur et le mien,) Que j'ay eu, et sans avoir blasme :

Vo doulz acueil, vo doulx maintien, Vostre plaisir que fust le mien.

Car sans cellui ne m'estoit rien.

Je le jure sur Dieu, sur m'ame.

Si vous baillay le mien en garde.

Belle Dame,

Prenant charge De vous loyaument servir, Sans reprouche ne diffame,

Sur mon arme.

Sans jamais de vous partir.

Elas ! quant d'elle partoye,

Jepensoye

Quant pourroye Bien tost vers elle venir; Nuit et jour je la sGr.joye, La veoye parler, aler et venir!

Tant espris d'elle estoye , Qu'en veillant je l'appelloye, Puis que bien loing en estoye, A soy cuidoye parler; Mais puis bien après veoye

Que resvoye.

Me prenoye à plourer.

Cest ducil m'estoit à porter»

Et bien aise endurer,

A CHARLES d'oRLÉANS. 205

Car bien tost, du retourner Me prenoit tresgrant talent; En elle si fort penser, Ma joye renouveller Me faisoit incontinent.

Et quant venir n'y povoye, Entre deux lui rescripvoye, Son nom et le mien mectoye Escript bien estrangement; Et puis quant je la véoye, Dieu scet quel chiere j'avoye Recueilly joyeusement.

Puis nous faillu esloingner L'un de l'autre, guermenter,

Car Dangier, Plusieurs autres mesdisans Nous firent tant endurer, Et plourer.

Tourmenter, Oncques puis n'eusmes bon temps.

Et puis entre autre gent Failloit, en nous esloingnant, A plusieurs autres parler, Avoir autre pensement.

Muer la couleur souvent, Sans l'un l'autre regarder.

Elas! elle s'esbastoit.

Et bonne chiere faisoit A tous autres, fors qu'à moy; Dont mon cuer tort souspiroit, Quant elle me regardoit.

Je vous jure par ma foy.

Dont sourdit grant jalousie, Car elle ne créoit mye Que n'eusse fait autre amye ;

Ainsi me sembloit il d'elle Que s'amour me fust faillie,

Départie,

Etguerpie; M'eust laissié la bonne belle.

Dont ensuiesgrant qucrcilc.

Moy et elle, Advint qu'en une chappelle Nous nous trouvasmes tous deux, Et je lui dis ; « Bonne et Belle, Ne me soiez si cruelle, Puis que nous sommes tous seulz.

Dictes moy vostre vouloir, Ne me vueilliez décevoir, Ne mectre à nonchaloir, Car, vers vous n'ay rien forlaii — Mon amy, vueilliez savoir.

Vous me feistes trop doloir ; Ne savez vous comment il m'est?

Vous m'avez abandonnée

Et laissiée.

Désolée,

Esloingnée ; A qui oseray je dire Ma tresdolente pensée

Qui grevée M'a, et trestant mal menée Que je vis en grant martire.

N'est riens qui me puist souffire,

Tant ay d'ire ; Quant es autres vous voy rire, Et grant joye démener.

Je ne vueil avoir nul mire

Qui me mire, J'ayme mieux mes jours tiner. »

A CHARLES d'oRLÉANS. 2O7

Et lors nous nous advisasmes, Et l'un l'autre pardonnasmes, Car pour obvier mains blasmes, Il nous faillut esloingner; Noz amours renouvellasmes, Bt de nouvel nous jurasmes De nous loyaument amer.

Cecy nous dura long temps; On dit qu'au bout de sept ans Revient voulentiers mal ans; Ainsi m'est il advenu, Dont je vis piteusement,

En tourment, Las! je suis pis que perdu.

Elas ! trescruelle mort, Tu me fais crier à tort

A la mort,

Que ma mort Bonnement ne l'ose dire

Mon confort, Ma joye et mon déport.

Or me fault passer du port, Du royaume en l'empire, De tout plaisir en tristesse ; Mectre mon cuer en destresse

Qui me blesse.

Et ne cesse De destruire ma jeunesse , Puis que m'as mort ma maistresse ;

Dont liesse

Si me blesse

Elas ! qu'esse.

Qui me presse De dire las 1 que feray? Que diray ? où iray?

Si mourray, Ou si de dueil creveray?

Car je n'ay que esmay Elas ! et ont me mectray Jusques mes jours fineray?

En lieu ne reposeray Jusque là où la verray.

Car pour ce que tant l'aymay, Tous les jours souhaitcray La mort qui desjà m'aproucho ; Entre deux je ne vouldroye Estre en lieu ont eust joye,

Com souloye, Car ma douleur doubleroit,

Véoir ce qu'avoir souloye !

Elas! car mieulx ameroye M'en fouir où que ce soit, Disant adieu tresdouloureux, Adieu, adieu tous amoureux, Adieu le plaisir de mes yeulx, Adieu, sans plus estre joyeulx.

Adieu le bien de tous les lieux, Adieu le mien dessoubz les cieux, Adieu regard tresgracieux, J'en preing congié de cueur piteux.

Si fineray ma complainte, Ma joye sera acteinte, Et de douleur aura y mainte

Grant actainte Dont il me convient languir

Et sévir, Car j'ay aymé, et sans fainte.

Celle qu'avoye tant crainte, Que pour elle vueil mourir ! Sa tresbonne renommée,

Sa grâce de tous louée Et de beauté aournée, Tant amée et prisée,

Désirée De trestoute autre gent, La fait estre regrectée, Dont ay la mort demandée, Toute joye oubliée.

A Dieu son ame command.

Et sachiez certainement Trestous li léal amant,

(J'en dis tant, Sans nulle dame blasmer) Que c'estoit la plus plaisant Des belles et avenant, C'om peust des yeulx regarder.

C'est le reconfortement Que j'ay en mes jours tinant.

En priant humblement A Dieu, tresdevotement, Qu'en son Paradis briefment Son ame puisse trouver.