CHANSON VII

Par Dieu, mon plaisant bien joyeux , Mon cueur est si plain de léesse , Quant je voy la douJce jeunesse De vostre gent corps gracieux!

Pour le regart de voz beaux yeulx Qui me met tout hors de tristesse, Par Dieu , mon plaisant bien joyeux , Mon cueur est si plain de léesse !

Combien que parler envieux Souventeffoiz moult fort me blesse.

Mais ne vous chaille, ma maistresse, Je n'en feray pourtant que mieulx, Par Dieu, mon plaisant bien joyeux.

CHANSON Vin.

Que me conseilliez vous, mon cueur, Irai je par devers la belle , Luy dire la paine mortelle Que souffrez pour elle en doleur ?

Pour vostre bien et son honneur, C'est droit que vostre conseil celle.

Que me conseilliez vous, mon cueur, Irai je par devers la belle ?

Si plaine la sçay de doulceur Que trouveray mercy en elle, Tost en aurez bonne nouvelle.

C'y vois, n'est ce pour le meilleur; Que me conseilliez vous, mon cueur?

Ou regard de voz beaulx, doulx yeulx.

Dont loing suis par les envieux.

Me souhaide si tressouvent Que mon penser est seulement En vostre gent corps gracieux.

Savez pourquoy, mon bien joyeulx, Celle du monde qu'ayme mieulx De loyal cueur, sans changement , Ou regart de vos beaulx, doulx \ eulx, Dont loing suis par les envieux, Me souhaide si tressouvent ?

Pource que vers mov en tous lieux J'ay trouvé plaisir ennuieux

10 CHARLES D'oni.ÉANS.

Trop fort, puis le département

Que de vous fis derrainnement ,

A regret merencolieux,

Ou regart de vos beaulx , doulx-yeulx.

Qui la regarde de mes yeulx Ma Dame, ma seule maistresse, En elle voit, à grant largesse , Plaisirs croissans de bien en mieulx.

Son parler et maintien sont tieulx Qu'ilz mettent un cueur en liesse, Qui la regarde de mes yeulx Ma Dame, ma seule maistresse.

Tous la suient , jeunes et vieulx , Dieu scet qu'elle n'est pas sans presse ; Chascun dit : C'est une déesse Qui est descendue des cieulx, Qui la regarde de mes yeulx.

Ce mois de May, nompareille Princesse, Le seul plaisir de mon joyeulx espoir, Mon cueur avez et quanque puis avoir.

Ordonnez en comme dame et maistresse.

Pource, requier vostre doulce jeunesse Qu'en gré vueille mon présent recevoir, Ce mois de May, nompareille Princesse, Le seul plaisir de mon joyeulx espoir.

Et vous supply, pour me tollir tristesse.

CHANSONS. Il

Treshumblement et de tout mon povoir, Qu'à m'esmayer ayez vostre vouloir D'un reconfort bien garny de liesse, Ce mois de May, nompareille Princesse.