CHANSON XXI

L'un ou l'autre desconfira De mon Cueur et Merencolie ; Auquel que Fortune s'alye , L'autre je me rens lui dira.

D'estre juge me suffira,

l6 CHARLES d'oRI.ÉANS.

Pour mettre fin en leur folye.

L'un ou l'autre desconfira De mon cueur et Merencolie.

Dieu scet comment mon cueur rira, Se gangne , menant chiere lye , Contre ceste saison jolye , On verra comment en yra; L'un ou l'autre desconfira.

CHANSON XXIL

Je ne vueil plus riens que la mort , Pource que voy que Reconfort Ne peut mon cueur eslyesser.

Au meins me pourray je vanter Que je souffre douleur à tort.

Car puis que n'ay d'Espoir le port, D'Amours ne puis souffrir l'effort, Ne doy je donc Joye laisser?

Je ne vueil plus riens que la mort , Pource que voy que Reconfort Ne peut mon cueur eslyesser.

Au Dieu d'Amours je m'en rapport Qu'en peine suis bouté si fort Que povoir n'ay plus d'endurer.

S'en ce point me fault demourer; Quant est de moy, je m'y accort.

Je ne vueil plus riens que la mort.

CHANSON XXIIL

Qui? quoy ? comment? à qui? pourquoy?

Passez, prescris ou avenir^

Quant me viennent en souvenir, Mon cueur en penser n'est pas coy.

Au fort , plus avant que ne doy, Jamais je ne pense en guérir; Qui? quoy ? comment? à qui ? pourquoy ? Passez, presens ou avenir.

On s'en peut rapporter à moy Qui de vivre ay eu beau loisir, Pour bien apprendre et retenir; Assez ay congneu, je m'en croy, Qui? quoy? comment? à qui? pourquoy?