CHANSON XXVI

Ma Dame, tant qu'il vous plaira De me faire mal endurer, Mon cueur est prest de le porter, Jamais ne le refusera.

En espérant qu'il guérira , En cest estât veult demourer.

Ma Dame , tant qu'il vous plaira, De me faire mal endurer.

Une fois pitié vous prandra, Quant seulement vouldrez penser Que c'est pour loyaument amer Vostre beaulté qu'il servira.

Ma Dame , tant qu'il vous plaira.