CHANSON XXVII

Mon cueur se combat à mon eueil , Jamais ne les trouve d'accort;

Le cueur dit que l'eueil fait rapport Que tousjours lui accroist son dueil.

La vérité savoir j'en vueil , Que semble il qui ait le tort?

Mon cueur se combat à mon eueil, Jamais ne les trouve d'accort.

Se je trouve que Bel Acueil Ait getté entre eulx aucun tort , Je le condampneray à mort ; Doy je souffrir un tel orgueil?

Mon cueur se combat à mon eueil.

CHANSON XXVIIL

De la regarder vous gardez La belle que sers ligament, Car vous perdrés soudainement Vostre cueur, se la regardez.

Se donner ne le lui voulés, Clignez les yeulx hastivement , De la regarder vous gardez La belle que sers ligement.

Les biens que Dieu lui a donnez Emblent un cueur soubtilement.

Sur ce, prenez avisement.

Quant devant elle vous vendrez; De la regarder vous gardez.