CHANSON LXXXI

Fuyés le trait de doulx regard, Cueur, qui ne vous savez detîendre, Vcu qu'estes desarmé et tendre, Nul ne vous doit tenir couard.

Vous serés pris ou tost ou tard, S'Amour le veult bien entreprandre; Fuyez le trait de doulx regard , Cueur, qui ne vous savez deflendre.

Retrayez vous sous l'estandart De Nonchaloir, sans plus attendre; S'a Plaisance vous laissiez rendre, Vous estes mort, Dieu vous en gard I Fuyez le trait de doulx regard.