CHANSON LXXXII

Yver, vous n'estes qu'un villain, Esté est plaisant et gentil , En tesmoing do May et d'Avril Qui l'acompaignent soir et main.

Esté revest champs, bois et fleurs, De sa livrée de verdure Et de maintes autres couleurs, Par l'ordonnance de Nature.

Mais vous, Yver, trop estes plain De neige, vent, pluye etgrezil;

On vous deust bannir en exil.

Sans point flater, je parle plain, Yver, vous n'estes qu'un villain.

CHANSON LXXXIIl.

Mon seul amy, nîon bien, ma )oye, Cellui que sur tous amer veulx , Je vous pry que soyez joieux En espérant que brief vous voye.

Car je ne fais que quérir vove De venir vers vous, se m"aist Dieux, Mon seul amy, mon bien, ma joye, Cellui que sur tous amer veulx.

Et se, par souhaidier, povoye Estre emprès vous, un jour ou deux, Pour quanqu'il a dessoubz les cieulx, Outre rien ne souhaideroye.

Mon seul amy, mon bien, ma joye.