CHANSON LXXXIX

Que c'est estrange compaignie De Penser joint avec Espoir!

Aidier scevent et décevoir Ung cueur qui tout en eulx se fie.

Il ne fault jà que je le dye , Chascun le peut en soy savoir Que c'est estrange compaignie De Penser joint avec Espoir.

D'eulx me plains et ne m'en plains mye , Car mal et bien m'ont fait avoir ; Menty m'ont et aussi dit voir; Je l'aveu et si le renye Que c'est estrange compaignie.

Sera el point jamais trouvée Celle qui ayme loyauté Et qui a ferme voulenté Sans avoir legiere pensée ?

Il convient qu'elle soit criée, Pour en savoir la vérité :

Sera el point jamais trouvée Celle qui ayme loyauté?

Je crois bien qu'elle est deffiée Desaliez de Faulceté, Dont il y a si grant planté, Que de paour elle s'est mussiée.

Sera el point jamais trouvée?

Réponse du duc Jehan de Bourbon.

Duc d'Orléans, je Vay trouvée Celle qui ayme loyauté , Et qui a ferme voulenté , Sans avoir legiere pensée.

Ja ne fault qu'elle soit criée.

J'en sçay asse^ la vérité :

Duc d'Orléans, je Vai trouvée Celle qui ayme loyauté.

C'est ma Dame tresbien amée , Qui a des biens si grant planté Quel ne craint rostre Faulceté, Ne de ceulx de vostre livrée ; Duc d'Orléans, je l'ay trouvée.