RONDEAU CLXVII

Mon cueur se plaint qu'il n'est payé De ses despens, pour son trjveil Qu'il a porté, si oompareil Qu'oncques tel ne fut essayé.

Son payement est délayé Trop longtemps; sur ce, quel conseil?

Mon cueur se plaint qu'il n'est payé De ses despens pour son traveil.

Puis qu'il n'est de gaîges rayé 'Mais prest en loyal appareil Autant que nul soubz le souleil.

Se mieulx ne peut, soit deffrayé; Mon cueur se plaint qu'il n'est payé.