LA DBSPARTIB D' AMOURS EN BALADES
Quant vint à la prochaine feste, Qu'Amour tenoit son Parlement, Je lui presentay ma requeste Laquelle leut très doulcement.
Fi puis me dist : Je suis dolent
POÉSIKS DE CHARLES d'oRI.ËANS. 89
Du mal qui vous est advenu; Mais il n'a nul recouvrement, Quant la Mort a son cop féru.
Eslongnez hors de vostre teste Vostre doloreux pen sèment, Monstrez vous homme, non pas besle, Faictes que, sans empeschement, Ait en vous le gouvernement Raison, qui souvent a pourveu En maint meschief, très saigemenl, Quant la Mort a son cop féru.
Reprenez nouvelle conqueste, Je vous aideray tellement Que vous trouverez Dame preste De vous amer très loyaument, Qui de biens aura largement ; D'elle serez amy tenu ; Je n'y voy autre amendement, Quant la Mort a son cop feni.
Helas ! sire, pardonnez moi , Se dis je, car, toute ma vie, Je vous asseure par ma foy, Jamais n'auray Dame, n'amie ; Plaisance s'est de moy partie.
Qui m'a de liesse forclos, N'en parlez plus, je vous supplie, Je suis bien loing de ce propos.
Quant ces parolles de vous oy.
Vous m'essayez, ne faictes mye; A vous dire vray, je le croy, Ou ce n'est dit qu'en mocxjuerie ; Ce me seroit trop grant folie, Quant demourer puis en repos.
De reprendre merencolie,
Je suis bien loing de ce propos.
Acquictié me suis, comme doy, Vers vous et vostre seigneurie, Désormais me vueil tenir coy ; Pour ce, de vostre courtoisie, Accordez moi, je vous en prie, Ma requeste, car à briefz mos, De plus amer, quoique nul die , Je suis bien loing de ce propos.
Amour congnu bien que j'estoye En ce propos, sans changement, Pour ce respondy : Je vouldroye Que voulsissiez faire autrement.
Et me servir plus longuement, Mais je voy bien que ne voulez, Si vous accorde franchement La requeste que faicte avez.
Escondire ne vous pourroye.
Car servy m'avez loyaument, N'oncques ne vous trouvay en voye, N'en voulenté aucunement De rompre le loyal serement Que me feistes, comme savez ; Ainsi le compte largement La requeste que faicte avez.
Et afin que tout chascun voye Que de vous je suis très content, Une quictance vous octroyé, Passée par mon Parlement, Qui relaissera plainement L'ommaige que vous me devez, Comme contieat ouvertement La requeste que faicte avez.
BALADE
Tantost Amour, en grant array, Fist assembler son Parlement ; En plain conseil mon fait comptay.
Par congié et commandement ; Là fust passée plainement La quictance que demandoye , Baillée me fut franchement, Pour en faire ce que vouldroye.
Oultre plus, mon cueur demanday, Qu'Amour avoit eu longuement, Car en gaige le lui baillay, Quant je me mis premièrement En son service ligement ; Il me dist que je le rauroye, Sans refuser aucunement, Pour en faire ce que vouldroye.
A deux genoilz m'agenoillay, Merciant Amour humblement Qui tira mon cueur, sans delay, Hors d'un escrin priveement, Le me baillant courtoisement, Lyé en ung noir drap de soye ; En mon sain le mist doulcemenl, Pour en faire ce que vouldroye.
