VIDIMUS DE LA DICTE OBLIGACIQN PAR LE DUC D'OHLEANS

A ceulx qui verront ces présentes, Le Bailly d'Amoureux espoir, Salut plain de bonnes ententes, Mandons et faisons assavoir Que le tabellion Devoir, Juré des contraux en amours, A veu nouvellement, à Tours, De Vaillant Tobligacion Entière de bien vraye sorte, Dont en fait la relacion, Ainsi que ce vidimus porte.

A double queue, par patentes, En cire vert, pour dire voir.

Oblige, soubzmectant ses rentes, Cueur, corps et biens, sans décevoir, Soubz le seau d'autruy vouloir,

104 P0B81BS DS CHARLtft DORLIÎANS.

Pour recouvrer joyeulx secours, Qu'il a desservy par mains jours; Faisant ratifficacion, Ledit notaire le rapporte, Par sa certiffîcacion, Ainsi que ce vidimtts porte.

Et deust il mectre tout en ventes, Des biens qu'il pourra recevoir, Veult paier ses debtes contentes.

Tant qu'on pourra apparcevoir.

Qu'il fera trop plus que povoir ; Combien qu'ait eu d'estranges tours Qui lui sont venuz au rebours; En soit faicte informacion, Car à Loyaulté se conforte.

Qu'en fera la probacion.

Ainsi que ce vidimus porte.

L*BNVOY.

Pour plus abreviacion, De l'an et jour je me déporte , On en voit declaracion , Ainsi que ce vidimus porte.