ENTENDIT DE LA DICTE OBLIGACION
par Maistre Jehan Caillau .
Intendit le nommé Vaillant
Qui fait ceste obligacion.
Vous resigne tout son vaillant, •
Par simple resignacion ;
Ne ne fait supplicacion
De gueredon, pour mieulx valoir,
Fors tout à vostre oppinion,
Soubz le scel de vostre vouloir.
Lequel, d'estoc et de taillant, Endure mainte passion
POÉSIES DB CHARLES d'oRLÉANS. 105
D'Amours, qui le vont assaillant ; Mais, soubz dissimulacion, Porte sa tribulacion, Faisant semblant de non doloir , Attendant doulce pension, ' Soubz le scel de vostre vouloir.
Pour ce, ne doit estre faillanl A la renumeracion, Car, s'il y estoit deffaillant, Ce seroit sa perdicion ; Et, par Dieu, si bon champion Ne devez mectre à nonchaloir; Si faictes qu'ait provision, Soubz le scel de vostre vouloir.
l'knvoy.
J'en parle par conipacion.
Mais grant bien lui devez vouloir, Puis que met son entencion Soubz le scel de vostre vouloir.
BALADE
En la forest de longue actente.
Chevauchant par divers sentiers , M'en voys, ceste année présente, Ou voyage de desiriers ; Devant sont allez mes fourriers, Pour appareiller mon logis En la cité de Destinée, Et, pour mon cueur et moy, ont pris L'ostellerie de Pensée.
Je mené des chevaulx quarente, Et autant pour mes ofûciers.
Voire, par Dieu, plus de soixante, Sans les bagaiges et sommiers.
Loger nous fauldra par quartiers.
106 POfeiBS DE CHARLES D'ORLiANS.
Se les hostelz sont trop petis Touteffoiz pour une vesprée En gré prandray, soit mieulx ou pis, L'ostellerie de Pensée.
Je despens chascun jour ma rente En maints travaulx avanturiers.
Dont est Fortune mal contente, Qui soustient contre moy Dangiers ; Mais, Espoirs, s'ilz sont droicturiers, Et tiennent ce qui qu'ilz m^ont promis, Je pense faire telle armée , Qu'auray malgré mes ennemis, L'ostellerie de Pensée.
L*ENTOY.
Prince, vray Dieu-de paradis, Vostre grâce me soit donnée.
Telle que trouve à mon devis, L'ostellerie de Pensée.
BALADE
Je cuide que ce sont nouvelles, J'oy nouveau bruit, et qu'est ce là ?
Helas ! pourroy je savoir d'elles Quelque chose qui me plaira ; Car j'ay désiré, longtemps a, Qu'Espoir m'estraynast de liesse, Je ne scay pas qu'il en fera, Le beau menteur plain de promesse.
S'il ne sont ou bonnes ou belles.
Au fort, mon cueur endurera,
En actendant d'avoir de celles
Que Bon eur lui apportera,
Et de l'endormye beuvra ;
De nonchaloir, en sa destresse,
Espoir plus ne l'esveillera,
Le beau menteur plain de promesse.
poésies DB CHARLES D'oaLEANS. 107
Pour ce, mon cueur, se tu me celles Reconfort, quant vers toy vendra.
Tu feras mal, car tes querelles J'ay gardées, or y perra ; Adviengne qu'avenir pourra !
Je suis gouverné par Vieillesse, Qui de legier n'escoutera Le beau menteur plain de promesse.
l'envoy.
Ma bouche plus n'en parlera.
Raison sera d'elle maistresse; Mais au derrain, blasmé sera Le beau menteur plain de promesse.
BALADE
N'a pas longtemps qu'escoutoyê parler Ung amoureux, qui disoit à s'amye :
De mon estât plaise vous ordonner, Sans me laisser ainsi finer ma vie.
Je meurs pour vous, je le vous certiffîe.
Lors respondit, la plaisante aux doulx yeulx, Assez le croy, dont je vous remercie, Que m'aymez bien, et vous encores mieulx.
Il ne fault ja vostre pousse taster.
Fièvre n'avez que de merencolie, Vostre orine ne aussi regarder, Tost se garist legiere maladie, Medicine devez prendre d'oublié; D'autres ay veu trop pis, en plusieurs lieux. Que vous n'estes, et, pour ce, je vous prie.
Que m'aymez bien, et vous encores mieulx.
Je ne vueil pas de ce vous destourber.
Que ne m'amiez de vostre courtoisie; Mais que pour moy, doyez mort endurer, De le croire, ce me seroit folie ; Pensez de vous, et faictes chiere lye ;
iOH P08S1BS ne CHARLRS D*ORL^A!VS.
J'en ay ouy parler assez de tieulx
Qui sont tous sains; quoyque point ne desnye
Que m'aymez bien, et vous encores mieulx.
l'bnyot.
Telz beaulx parlers ne sont en compaignie Qu'esbatemens, entre jeunes et vieulx; Contente suis, combien que je m'en rye, Que m'aymez bien, et vous encores mieulx.
BALADE
Portant hamois rouillé de nonchaloir, Sus monteure foulée de foiblesse, Mal abillé de desireulx vouloir, On m'a croizé, aux montres de liesse, Comme cassé des gaiges de jeunesse ; Je ne congnois où je puisse servir, L'arriére ban a fait crier Vieillesse, Las! fauldra il son soudart devenir?
Le bien, que puis avecques elle avoir.
N'est que d'un peu d'atrempée sagesse;
En lieu de ce, me fauldra recevoir
Ennuy, soussy , desplaisir et destresse ;
Par Dieu ! Bon temps, mal me tenez promesse.
Vous me deviez contre elle soustenir,
Et je voy bien qu'elle sera maistresse,
Las! fauldra il son soudart devenir?
Foibles jambes porteront bon vouloir, Puisqu'ainsy est, endurant en humblesse.
Prenant confort d'un bien joyeulx espoir.
Quant , Dieu mercy, maladie ne presse ; Mais loing se tient, et mon corps point ne blosse, C'est ung trésor que doy bien chier tenir, Veu que la fin de menasser ne cesse, Las! fauldra il son soudart devenir?
LBNVOY.
Prince, je dy que c'est peu de richesse
POÉSIES OB CHAULES d'oRLEANS. 1Q9
De ce monde, ne de tout son plaisir, La mort départ ce qu'on tient à largesse, Las ! fauldra il son soudart devenir ?
BALADE
Dieu vueille sauver ma galée, Qu'ay chargée de marchandise De mainte diverse pensée En pris de loj'aulté assise; Destourbée ne soit, ne prise Des robeurs , escumeurs de mer ; Vent, ne marée ne luy nuyse, A bien aler et retourner.
A Confort Tay recommandée.
Qu'il en face tout à sa guise , Et pencarte lui ay baillée, Qui d'estranges pays devise, Affîn que dedens il advise A quel port pourra arriver, Et le chemin à chois eslise, A bien aler et retourner.
Pour acquicter joye empruntée.
L'envoyé, sans espargner mise.
Riche devendray, quelque année, Se mon entente n'est surprise ; Conscience n'auray reprise De gaing à tort au par aler, En eur viengne mon entreprise, A bien aler et retourner.
l'envoy.
Prince, se maulx fortune alise, Sagement s'y fault gouverner :
Le droit chemin jamais ne brise, A bien aler et retourner.
110 POltsIRS DK CHARI.I» h'ORL^ANS.
