PRINCE
Vieillesse fait me jouer à telz jeux,
Perdre et gaingner, et tout par ses conseulx ;
A la faille j'ay joué cesle année.
Ne bien, ne mal, d'avanture menée.
BALADE
(Orléans.)
Pourquoy m'as tu vendu. Jeunesse , A grant marchié, comme pour rien, Es mains de ma Dame Vieillesse Qui ne me fait gueres de bien, A elle peu tenu me tien.
Mais il convient que je l'endure, Puisque c'est le cours de nature.
Son hostel, de noir de tristesse.
Est tendu; quant dedens je vien.
J'y voy l'istoire de destresse Qui me fait changer mon maintien , Quant la ly, et maint mal soustien ; Espargnée n'est créature, Puisque c'est le cours de nature.
Prenant en gré ceste rudesse, Le mal d'autruy compare au mien; Lors me tance Dame Sagesse, Adoncques en moy je revien, Et croy de tout le conseil sien, Qui est en ce plain de droicture, Puisque c'est le cours de nature.
PIIINCE.
Dire ne sauroye combien
possiBs DB c.uarlbs i>'orléa.\s, 12i
Dedens mon cueur mal je retien, Serré d'une vieille sainlure, Puisque c'est le cours de nature.
BALADE
(Orléans.)
Mon cueur vous adjourne, Vieillesse, Par droit huissier de parlement, Devant Raison qui est maistresse, Et juge de vray jugement ; Depuis que le gouvernement Avez eu, de luy et de moy, Vous nous avez, par tirannie.
Mis es mains de merencolie, Sans savoir la cause pourquoy.
Par avant nous tenoit Jeunesse, Et nourrissoit si tendrement, En plaisir, confort et liesse.
Et tout joyeulx esbatement ; Or faictes vous tout autrement Se vous est honte, sur ma foy, Car, en douleur et maladie, Nous faictes user nostre vie. Sans savoir la cause pourquoy.
De quoy vous sert ceste deslresse A donner sans alegement?
Guidez vous pour telle rudesse Avoir honneur aucunement?
Nennil, certes, car vrayement Chascun vous monstrera au doy, Disant : la vieille rassotie Tient tout maulx en sa compaignio, Sans savoir la cause pourquoy.
PHINCE.
Ce saint Martin présentement, Qu'avoras font commencement
122 POÉSIES DB CHARLES d'oRLÉANS.
1)ti plaidier les faiz de la loy, Prenez bon conseil, je vous prie, Ne-faictes débat ne partie, Sans savoir la cause pourquoy.
BALADE
Plus ne voy riens qui reconfort me donne, Plus dure ung jour que ne me souloient cent.
Plus n'est saison qu'à nul bien m'abandonne, Plus voy plaisir et mains mon cueur s'en scent. Plus qu'oncques mais mon vouloir bas descent, Plus me souvient de vous, et plus m'empire; Plus quiers esbas, c'est lors que plus soupire; Plus fait beau temps, et plus me vient d'ennuys ; Plus ne m'actens fors tousjours d'avoir pire, Puisque de vous approcher je ne puis.
Plus suis dolent que nul autre personne.
Plus n'ay espoir d'aucun alegement.
Plus ay désir, crainte d'autre part sonne ; Plus vueil aler vers vous, mains scay comment; Plus suis espris, et plus ay de tourment; Plus pleure et plains, et plus pleurer désire; Plus chose n'est qui me sauroit suflire, Plus n'ay repos, je hai les jours et nuys ; Plus que jamais à douleur me fault duyre , Puisque de vous approcher je ne puis.
Plus vivre ainsi ne m'est pas chose bonne , Plus vueil mourir, et rajson si assent; Plus qu'à nully, Amours de maulx m'ordonne ; Plus n'a ma voix, bon aceort, ne assent; Plus fait on jeux, mieux désire estre absent; Plus force n'ay d'endurer tel martire.
Plus n'est vivant, homme qui tel mal tire ; Plus ne congnois bonnement où je suis.
Plus ne scay brief que pencer, faire ou dire, Puiscjue de vous approcher je ne puis.
POMSIBS DE CHARLES d'OHLÉANS. 123
i/envoy.
Plus n'ay mestier de jouer, ne de rire ; Plus n'est le temps sinon de tout despire , Plus cuide avoir de douceur les apuys, Plus suis adonc desplaisant et plain d'ire, Puisque de vous approcher je ne puis.
BALADE
(Orléans.)
Chascun s'esbat au mieulx mentir, Et voulentiers je Taprendroye , Mais maint mal j'en voy advenir, Parquoy savoir, ne le vouldroye.
De mentir par déduit, ou joye, Ou par passe temps, ou plaisir.
Ce n'est point mal fait, sans faillir.
Se faulceté ne s'y employé.
Faulx menteurs puisse l'en couvrir, Sur les montaignes de Savoye, De neiges, tant que revenir Ne puissent par chemin, ne voye, Jusques quérir je les renvoyé ; Pour Dieu, laissiez les là dormir.
Ils ne scevent de riens servir.
Se faulceté ne s'y employé.
Pourquoy se font ilz tant hair?
Veulent ilz que l'en les guerroyé ?
Guident ilz du monde tenir Tous les deux boutz de la courroye ?
C'est folie, que vous diroye?
Leur proufflt puissent parfournir, Et laissent les autres chevir, Se faulceté ne s'y employé.
t' EN VOY.
Paix crie, Dieu la nous octroyé , C'est ung trésor cju'on doit chérir,
124 PoésiKs DE ciiiKi.KS d'okléams.
Tous biens s'en pevent ensuir, Se faulceté ne s'y employé.
BALADE
Jam nùva pmgenies ccelo demxiiiiur alto.
louée Conception, Envoyée sa jus des cieuix, Du noble Lys digne Syon, Don de Jhesus très precieulx, Marie, nom 1res gracieulx, Fons de pitié, source de grâce, La joye, confort de mes yeulx, Qui nostre paix batist et brasse.
La paix, c'est assavoir des riches, Des povres, le substantament, Le rebours des félons et chiches, Très nécessaire enfantement Conceu, portée honnestement Hors le pechié originel, Que dire je puis sainctement. Souverain bien de Dieu Eterncil.
Nom recouvré, joye ^e peuple, Confort des bons, de maulx retraicte, Du doulx Seigneur première et seule Fille, de son cler sang extraicte.
Du dextre coslé Clovis Iraicte, Glorieuse ymage en tout fais, Ou hault ciel crée et pourlraicte, Pour esjouyr, et donner paix.
En Tamour et crainte de Dieu, Es nobles flans César conceue, Des petitz et grans, en tout lieu, A très grande joye receue, De Famour Dieu traicte, tissuc Pour les discordez ralier.
POBSIBS DE CHARLES D'0ltLIS\XS. 125
Et aux enclos donner yssue, Leurs lians et fers délier.
Aucunes gens qui bien peu sentent, Nourriz en simplesse et confiz, Contre le vouloir Dieu, actentent Par ignorance desconfiz , Desirans que feussiez ung filz, Mais qu'ainsi soit, ainsi m'aist Dieux, Je croy que ce soit grans proufiz ; Raison, Dieu fait tout pour le mieulx.
Du Psalmiste je prens les dictz, Delectasti me. Domine, In factura tua, si ditz ; Noble enfant de bonne heure né, A toute doulceur destiné, Manna du ciel, céleste don.
De tous biens fais le guerdonné, Et de noz maulx le vray pardon.
Combien quej'ay leu en ung dit, Inimicum putes y a Qui te présentent laudàbit, ToutteflToiz, non obstant cela, Oncques vray homme ne cela En son courage aucun grant bien , Qui ne le monstrast ca et là, On doit dire du bien le bien.
Saint Jehan Baptiste ainsi le fist.
Quant Taignel de Dieu descela.
En ce faisant, pas ne meffîst, Dont sa voix es tourbes vola, De quoy saint Andry Dieu loua, Qui de lui, cy ne scavoit rien.
Et au filz de Dieu s'aloua, On doit dire du bien le bien.
Envoyée de Jhesucrist,
f25 H>ÉftllS DB CHAULES DOIIUÉANS.
Rappelez sa Jus par deçà
Les povres que rigueur proscript,
Et que fortune betourna ;
Cy scay bien comment y m'en va,
De Dieu, de vous, vie je tien,
Benoist celle qui vous porta;
On doit dire du bien le bien.
Cy, devant Dieu, fais congnoissanre
Que créature feusse morte,
Ne fust vostre doulce naissance.
En charité puissant et forte,
Qui ressuscite et reconforte.
Ce que mort avoit prins pour sien ;
Vostre présence me conforte.
On doit dire du bien le bien.
Cy vous rens toute obéissance, Ad ce faire, raison me porte, De toute ma povre puissance, i^lus n'est deul qui me desconforte, N'autre ennuy de quelconque sorte ; Vostre je suis, et non plus mien, Ad ce, droit et devoir m'enhorte , On doit dire du bien le bien.
grâce et pitié très immense.
L'entrée de paix et la porte, Some et bénigne clémence.
Qui noz faultes toult et supporte ; Cy de vous louer me déporte, Ingrat suis, et je le maintien , Dont en ce refrain me transporte.
On doit dire du bien le bien .
Princesse, ce loz je vous porte, Que sans vous je ne feusse rien ; A vous et à vous m'en rapporte, On doit dire du bien le bien.
Euvre de Dieu, digne, louée, Autant que nulle créature, De tous biens et vertuz douée, Tant d'esperit, que de nature.
Que de ceulx qu'on dit d'aventure ; Plus que rubis noble, ou balais, Selon de Caton Tescripture, Patrem insequitur proies.
Port asseuré, maintien rassis.
Plus que ne peut nature humaine.
Et eussiez des ans trente six, Enfance en riens ne vous domaine.
Que jour ne le die et sepmaine , Je ne scay qui le me deffant ; Ad ce propoz ung dit ramaine , De saige mère, saige enfant.
Dont résume ce que j'ay dit, No^a progenies cœlo, Car c'est du Poète le dit, Jamjam demittitur alto.
Saige Cassandre, bel Echo , Digne Judith, caste Lucresse, Je vous congnois, noble Dido, A ma seule Dame et maistresse.
En priant Dieu, digne Pucelle, Oui vous doint longue et bonne vie, Qui vous ayme, ma Damoiselle, Ja ne coure sur lui envie ; Entière Dame, et assouvie, . J'espoir de vous servir aincoys , Certes, se Dieu plaist que dévie Vostre povre eseolier francoys.
128 i'OËSlKS l>R CHARLES DOHLRAXft.
BALADE
Je meurs de soif empres de la fontaine ; Suffisance ay, et si suis convoileux ; Une heure m'est plus d'une quarantaine ; Droit et parfait, je chemine boiteux ; Très pacient, plus que nul despiteux; Je retiens tout, et ce que j'ai, despars; A moy cruel, et aux autres Piteux ; Le neutre suis, et si tiens les deux pars.
En doubte suis de chose très certaine ; Infortuné, je me repute eureux ; Vraye conclus une chose incertaine ; Rien je ne fois, et suis adventureux ; Fehle me tiens, quant me sens vigoreux ; Plain de moisteur, tout tremblant au feu ars ; Doulx et béguin, de semblant rigoreux; Le neutre suis, et si tiens les deux pars.
Quant dueil me prent, grand joye me demaine ; Par grant plaisir, je deviens langoreux ; Indigent suis, possident grant demaine ; Qui n'a nul goust, je le tiens savoreux , Qui m'est amer, de lui suis amoureux ; Ignorant suis, et si scay les sept ars :
En grant seurté, fort craintif et paoureux ; Le neutre suis, et si tiens les deux pars.
l'envoy.
Qui me loue, il m'est injurieux ; Je ne bouge, quant d'un lieu je me pars ; Par bien ouvrer, en vain labourieux ; Le neutre suis, et si tiens les deux pars.
BALADE
Je meurs de soif auprès de la fontaine ; Tant plus mengue, et tant plus je me affame ;
POIÉSIES DE CHAHLBS D*OKI.]SA.\$. 121)
Povre d'argent, ou ma bourse en est plainr ; Marié suis, et si n'ay point de famé ; Qui me honnore, grandement me diffame :
Quant je vois droit, lors est que me devoye; Pour loz et pris, je tiltre de diffame; Grief desplaisir m'est excessive joye.
Quant on me toult, richement on me estraine ; Dix mile onces ne me sont que une dragme ; Sec et brahaing, je porte fleur et graine ; En reposant, sur mer tire à la rame; Actaine suis en tous lieux on n'a ame ; Acompaigné, je n'ay qui me convoyé ; Toute entière est la chose que je entama, Grief desplaisir m'est excessive joye.
En aspirant, je retiens mon alaine; .
Quant eur me vient, maleureux je me clame, Fort et puissant, flexible comme laine ; Transi d'amours sans avoir nulle dame ; Homme parfait, privé de corps et d'ame; Paisible suis, et ung chascun guerroyé; Mes ennemis plus que tous autres, ame; Grief desplaisir m'est excessive joye.
l'envoy.
Mauvaise odeur m'est plus fleurant que basme; Pasmé de dueil, angoisseux me rasjoye ; En eau plungié, je brûle tout en flame ; Grief desplaisir m'est excessive joie.
BALADE
Je n'ai plus soif, tarie est la fontaine, Repeu je suis de compétent viande, J'ai pris trêves afiîn que on ne me actaine, Dissimulant, fault que le hurt actende ; Adjoing des deux, sans que nul vilipende, Je festie l'un, à l'austre fois la moue;
130 POÉSIES DR CHARIRS n'ORLÉAMS.
En ce faisant, pour éviter escande,
Entre deux eaues, comme le poisson, noue.
En grant travail j'ai frapé la quintaine,
Jusques ung temps fault qu'à repos entende ;
Pour obvier à voye trop haultaine,
Le moyen tiens, affln que ne descende,
J'ai eu delay de payer mon amende,
En couroux faint, cou vertement me joue,
En reculant pour mieulx saillir en lande.
Entre deuxeaues, comme le poisson, noue.
Ne vert, ne meur, mon blé mangue en graine, Dueil et plaisir me tiennent en commande ; En divers lieux ca et là me pourmaine ; T^ moitié fois, quant tout l'en me commande ; A demy trait lors est que l'arc débande.
Pour abréger, ne l'un ne l'autre loue, Participant de l'une et l'autre bande, Entre deux eaues, comme le poisson, noue.
l'envoy.
Par prière de affaictée demande.
Interrogé se l'ung ou l'autre avoue, A ce respons, se aucun le me demande.
Entre deux oaues, comme le poisson, noue.
BALADE
(Villon.)
Je meurs de soif auprès de la fontaine ; Chault comme feu, et tremble dent à dent; En mon pays, suis en terre loingtaine ; Lez ung brasier, friconne tout ardent ; Nu comme ung ver, vestu en président ; Je ris en pleurs, et actens sans espoir; Confors reprens, en triste desespoir ; Je m'esjouys, et n'ay plaisir aucun ; Puissant, je suis sans force et sans povoîr : Bien recueillv, débouté de chascun.
Rien ne m'est seur, que la chose incertaine ; Obscur, fors ce qui est tout évident; Doubte ne fais, fors en chose certaine; Science tiens à soudain accident; Je gaigne tout, et demeure perdent ; Au point du jour diz : Dieu vous doint bon soir ; Gisant envers, j'ai grant paour de cheoir; J'ai bien de quoy, et si n'en ay pas ung ; Eschoite actens, et d'omme ne suis hoir ; Bien recueilly, débouté de chascun.
De riens n'ay soing , si mets toute ma paine D'acquérir biens, et n'y suis prétendent ; Qui mieulx me dist, c'est cil qui plus m'actaine ; Et qui plus vray, lors plus me va bourdent ; Mon amy est qui me fait entendent, D'un cigne blanc, que c'est un corbeau noir ; Et qui me nuys, croy qu'il m'aide à povoir ; Bourde, vérité, aujourduy m'est tout ung ; Je retiens tout, riens ne scay concepvoir ; Bien recueilly, débouté de chascun.
l'envoy.
Prince clément, or vous plaise savoir Que j'entens moult, et n'ay sens, ne savoir ; Parcial, suis à toutes lois commun ; Que fais je plus ? quoy ? les ga|ges ravoir ; Bien recueilly, débouté de chascun.
BALADE
Parfont conseil eximium En ce saint livre, eœoriaiur.
Que l'omme, in mairimonium, Folement fwn ahutatur ; Raison, le sens hehetatur^ De omni viro quelqu'il soit ; Fol non crédit tant qu'il reçoit.
Et constat, par ceste leccon, Pour conserver vim et rohur,
132 PO^IBB PB CHARLK8 D*ORLiAK8.
Preêtat ne faire mot, ne son.
Souffrir et esrouler murmur :
Si conjunx clamai ad ce mur, Fingai que pas ne le conçoit.
Fol non crédit tant qu'il reçoit.
Fortior mutto que Sanson, En cest assault conjunciiur Contra de Venus Fescusson, Le plus fort bourdon plicatur ;
Sed quisquis pas ne le conçoit, Fol non crédit tant qu'il reçoit.
l'envoy.
Prince très saige, legitur Quod astucior si decoit, Le mieulx nagent y mergitur; Fol non crédit tant qu'il reçoit.
BALADE
Je meurs de soif auprès de la fontaine ; JPai très grant fain, et si ne puis mengier ; Je suis au bas en la maison haultaine, Et enchartré en ung très beau vergier ; En grant péril, et hors de tout dangier ; Les biens que j'ay, me font povre indigent ; En beau logis, ne me scay où logier ; Je gaigne assez, et si n'ay point d'argent.
Je fais grant dueil, tristesse m'est loingtaine ; Dormir ne puis, et ne fais que songier ; Je suis tout sain, et ay fièvre quartaine ; Tout esdenté, mon frain me fault rongier, Vérité dy, et si suis mensongier ; Je suis recluz, hanté de toute gent ; Congneu de tous, et à tous estrangier; Je gaigne assez, et si n'ay point d'argent.
' Le vers manque dans les manuscrits.
POÉSIES DB CHARLSS D'oRL#.ANS: 133
Grant double fais de chose bien certaine; Incertain suis, et si en vueil jugier ; Ou champs estroit, je jouste à la quintaine ; Non offensé, je me <;uide vengier; Ung pesant faiz me semble très legier ; Je suis paillart, et contrefay du gent :
Par trop couart, hardy comme un Ogier ; Je gaigne assez, et si n'ay point d'argent.
l'knvoy.
Prince, je suy siche, pour abregier , *
Prodigue aussi, nonchallant, diligent, Assez subtil , plus simple que bergier.
Je gaigne assez, et si n'ay point d'argent.
BALADE
(Montbreton et Uobcrtet.)
Je meurs de soif auprès de la fontaine ;
Je trouve doulx ce qui doit estre amer ;
J'ayme et tiens chier tous ceux qui me font haine,
Je hé tous ceulx que fort je deusse amer ;
Je loue ceulx que je deusse blasmer :
Je prens en gré plus le mal que le bien ;
Je vois querant ce qu'à trouver je doubte ;
Croire ne puis cela que je scay bien ;
Je me tiens seur de ce dont plus jay doubte.
Je prens plaisir en ce qui m'est atayne ; Ung peu de chose m'est grant comme la mer ; Je tiens de près, celle qui m'est loingtaino; Je garde entier ce que deusse entamer; Saoul suis, de ce qui me fait affamer ; J'ay largement de tout, et si n'ay rien ; J'oublie ce que plus à cueurje boute; Ce qui me lasche , me tient en son lien ; Je me tiens seur de ce dont plus j'ay doubte.
Je tiens pour basse chose qui est haultaine; Je fuis tous ceulx que deusse reclamer,
ilU PimSIIg DB CH.4RLSS D'oRLBAKS.
Je croy plus tart le vray qu'une fredaine ; Tant plus suis froit, plus me sens enflamer; Quant j'ay bon cueur, lors je prens à pasmer; Ce que j'aquiers, je ne tiens pas pour mien ; Je prise peu ce qui bien chier me couste ; Sote manière m'est plus que beau maintien ; Je me tiens seur de ce dont plus j'ay doubte.
L*HfVOT.
Prince, j'ay tout, et si ne scay combien ; • J'atire à moy ce qui plus me déboute ; Ce que j'esloigne, m'est plus près qu'autre rien ; Je me tiens seur de ce dont plus j'ay doubte.
BALADE
Je meurs de soif auprès de la fontaine; Vorbe normal, sans conjugacion ; Congruité , de incongruité plaine ; Déclinable, sans declinacion ; Approprié par appellacion; Déterminé, sans quelque terminance; Ou brief, ou long, sans variacion ; C'est plus fort fait, que ouvrer par ignorance.
Mat et vaincu, je frape la quintaine ; Sans violance je fois invasion ; Affirmatif d'une chose incertaine ; SilogLsant sans proposicion; Meuf ligure qù n'a conclusion ; Emptimeme sans quelque consequance ; Convertible où n'a conversion ; C'est plus fort fait, que ouvrer par ignorance.
J'ayme repos, et désire la paine ;
Corruptible en generacion ;
Le vray au faulx je duis et ramaine ;
De maxime je fois oppinion ;
Diffiment je fois descripcion ,
Et l'accident je mue on substance ;
POÉSIBS OB CIIAHLES l»'OHLEANS. 135
Aveugle suis en dere vision ;
C'est plus fort fait, que ouvrer par ignorance.
l'envoy.
Incomplexif, ayant complexion ; Irregulier, je suis de Tobservance ; Je suis actif, désignant passion ; • C'est plus fort fait, que ouvrer par ignorance.
BALADE
( Maistre Berthault de Villebresme.)
Je meurs de soif auprès de la fontaine ; Tout affamé, en mengier sumptueulx ; Comblé de dueil, en liesse haultaine ; Sec et brahaing, en pays fructueux ; Loing de vertuz, entre les vertueux ; Entre joyeux, plaintif et souspirant ; En lieu de bien, de mal affectueux ; Et va mon fait tousjours en empirant.
Entre tous biens je suis de mal quintaine ; Alangoré, entre les vigoreux ; Entre esbanoys, de regret cappitaine ; Amertume, entre les doulcereux; Tremblant de froil en manoir chalereux ; En grant santé, tousjours mal endurant ; Entre cx)urtois, despit et rigoreux ; Et va mon fait tousjours en empirant.
^orvoyé suis par hanter voye certaine , Et avoyé, en lieux avantureux ; Ma nacion m'est région lointaine ; En lieu très seur, je suis très fort paoureux , Espris d'amour, sans estre amoureux ; La lerme a l'ueil, je me vois déduisant ; Tout me desplaist, sans estre dangereux ; Et va mon fait tousjours en empirant.
l'bnvoy.
Prince, cesser fay le mal qui m'actaine ,
136 POÉSIES DB CHARLBS d'oKLÉAiNS.
Ou autrement je m'en iray mourant, Car je suis près d'avoir fièvre quartaine, Et va mon fait toujours en empirant.
BAL4DE. ' '
(Maistre Jehan CaiUau.)
Je meurs de soif auprès de la fontaine;
Tremblant de froit ou feu des amoureux :
Je suis tout sain en langueur et enpaine ;
Et suis asseur, oîi tout est dangereux ;
Tout mal, tout grief, m'est doulx et savoureux ;
Plain de tourment, mené joyeuse vie ,
Et ce qui plaist à tous, ne me plaist mie ;
En povreté, je suis très richement;
En engoisse, j'ay plaisance assovye ;
Or jugiez donc se je vis plaisamment.
Je suis joyeulx sans plaisance mondaine ; Où chascun rit, pensif et douloreux ; Sans nul travail, si suis je hors d'alaine; Près de tout bien, suis le très langoreux ; Ce qui me plaist, est aspre et rigoreux ; ;I'ayme estre seul, et si vueil compaignie; Je dors assez, et suis en frénésie ; En desespoir j'ay grand allégement; Ce qui est doulx, m'est plus amer que suye; Or jugiez donc se je vis plaisamment.
Je suis seigneur sans terre et sans demaine ; . Tant plus ay biens, et plus suis maleureux ; Je meurs de fain, et ay ma grange plaine; Où tout est seur, si suis je très paoureux ; Des plus vaillans et moins chevalereux ; Qui mal me fait, je lui rens courtoisie ; S'il fait beau temps, je demande la pluye; Se je meurs tost, si vis je longuement ; En grant repos, plain de forsenerie ; Or jugez donc si je vis plaisamment.
1>0éSIE8 DE CHARLES l»'ORLÉA.\S. 187
i/envoy.
Prince, mon fait est droicte faeric, Je hay travail, et le repos m'ennuye ; Maintenant d'un, et tantost autrement; J'ay tous les jeux, et quicte la partie; Or jugez donc si je vis plaisamment.
BALADE
(Gilles des Ourmcs.)
Je meurs de soif auprès de la fontaine; Tremblant de froit ou feu des amoureux ; Je suis joyeulx s'aucun mal me demaine; Plaintz et souspirs sont mes riz et mes jeux ; Je n'ay santé, sinon quand je me deulx ; Beau temps me plaist, et désire la pluye; Qui bien me fait, je le tiens mon hayneux ; Or regardez, et jugiez s'il m'ennuye.
Je n'ay repos qu'en dolcur et en paine; J'ayme travail, et si suis paresseux ; Ung mois ne m'est qu'à ung aultre sepmaine, Et m'est d'advis que le jour dure deux ; Se j'ay nul bien, je m'en tiens maleureux ; Quant j'ayme aucun, force est que je le fuye; Qui m'est courtois, je lui suis rigoreux ; Or regardez, et jugiez s'il m'ennuye.
J'ay mille maulx, et ma personne est saine ; Plaisirs mondains me sont malencontreux ; Quant je suis seul, lors ung chascun m'actaine ; Rien n'ay asseur, si je n'en suis doubteux ; Gens bien en point me semblent souffreux ; En plain midy j'ay la veue esbluye; Je n'ayme rien, et si suis convoiteux ; Or regardez, et jugiez s'il m'ennuye.
l'envoy.
Sans mot sonner, je dy mon cas piteux ; Je n'ay re^çrct qu'en ce que je ne veulx :
138 PUËS1R8 DB CHAHLBS u'unLËANS.
Ce qui est doulx, m'est plus amer que suye; Quant gens n'ont rien, je vueil mordre sur eulx; Or regardez, et jugiez s'il m'ennuye.
BALADE
(Simonnet Gailiau.)
Je meurs de soif auprès de la fontaine ; Costé plaisir, mon cueur plaint et souspire ; Tout arresté, sans marchier Ton me maine ; Rempli de deul, vouloir me prent de rire ; En plaisans lieux je n'ay si non martire ; A nul ne suis, et si fault que m'avoue ; Parler scay bien, et ne puis mon cas dire; Or regardez , se tel homme se joue.
Croire ne vueil, et est chose certaine ; Sans me toucher, je sens que l'on me tire; En lit bien fait, là ne seuffre que paine; Le chois ay eu, et est ma part la pire ; Sans avoir riens, j'ay tant qu'il deust suffire; Qui mal me fait, de cestui la me loue ; Près des joyeulx, je ne me scay déduire; Or regardez, se tel homme se joue.
Esgaré suis, et voy la voye plaine ; Où tout est bien, assez treuve à redire ; Sens grant chaleur, ca et là me pourmaine ; Les yeulx bandez, en mirouer me mire ; Loingt de chault feu, je ne cesse de frire ; Tel me flate qui puis me fait la moue ; Ce qui est mien, j'en voy ung autre sire ; Or regardez , se tel homme se joue.
l'envoy.
J'ay piez et sens, et ne me scay conduire ; En beau chemin je suis cheut en la boue ; J'ay me estre à part, et compaignie désire ; Or regardez, se tel homme se joue.
POÉ8IBS DE CHAHLBS D'oRL^ANS. idfi)
BALADE
En regardant vers le pays de France, Ung jour m'avint, à Dovre sur la mer, Qu'il me souvint de la doulce plaisance' Que souloie ou dit pays trouver ; Si commencay de cueur à souspirer, Combien certes que grant bien me faisoit.
De veoir France que mon cueur amer doit.
Je m'avisay que c'estoit nonsavance ,
De telz souspirs dedens mon cueur garder,
Veu que je voy que la voye commence
De bonne paix, qui tous biens peut donner ;
Pour ce, tournay en confort mon penser,
Mais non pourtant, mon cueur ne se lassoit
De veoir France que mon cueur amer doit.
Alors chargay, en la nef d'espérance, Tous mes souhays en leur griant dealer Oultre la mer, sans faire demourance , Et à France de me recommander ; Or nous doint Dieu bonne paix sans tarder, Adonc auray loisir, mais qu'ainsi soit.
De veoir France que mon cueur amer doit.
L*KNVOY.
Paix est trésor qu'on ne peut trop loer, Je hé guerre, point ne la doit prisier, Destourbé m'a longtemps, soit tort ou droit, De veoir France que mon cueur amer doit.
BALADE
Priez pour paix, doulce Vierge Marie, Royne des cieulx, et du monde maistresse, Faictes prier, par vostre courtoisie, Saints et sainctes, et prenez vostre adresse Vers vostre fils, requerrant sa haultesse Qu'il lui plaise son peuple regarder,
140 POéSlBS DK CHARLES d'oRLÉA^.
Que de son sang a voulu rachater , En déboutant guerre qui tout desvoye ; De prières ne vous vueilliez lasser, Priez pour paix, le vray trésor de joye.
Priez; prelaz, et gens de saincte vie, Religieux, ne dormez en peresse.
Priez, maistres, et tous suivans clergie, Car par guerre fault que Testude cesse ; Moustiers destruiz sont sans qu'on les redresse, Le service de Dieu vous fault laisser.
Quant ne povez en repos demeurer ; Priez si fort que briefment Dieu vous oye, L'Eglise voult à ce vous ordonner ; Priez pour paix, le vray trésor de joye.
Priez, princes qui avez seigneurie,
Roys, ducs, contes, barons plains de noblesse,
Gentils hommes avec chevalerie.
Car meschans gens sàirmontent gentillesse ;
En leurs mains ont toute vostre richesse,
Debatz les font en hault estât monter.
Vous le povez chascun jour veoir au cler,
Et sont riches de voz biens et mon noyé.
Dont vous deussiez le peuple supporter ;
Prier pour paix, le vray trésor de joye.
Priez, peuple qui soutfrez tirannie, Car voz seigneurs sont en telle foiblesse, Qu'ilz ne pevent vous garder par maistrie, Ne vous aider en vostre grant destresse; Loyaux marchans, la selle si vous blesse, Fort sur le doz chascun vous vient presser, Et ne povez marchandise mener.
Car vous n'avez seur passage, ne voye, Et maint péril vous convient il passer ; Priez pour paix, le vray trésor de joye.
Priez, galans joyeulx on compaignie,
POÉSIES DE CHARLES d'oKLÉANS. 141
Qui despendre desirez à largesse, Guerre vous tient la bourse dégarnie ; Priez, amans, qui voulez en liesse Servir amours, car guerre, par rudesse, Vous destourbe de voz dames hanter, Qui mainteffoiz fait leurs voloirs torner , Et quant tenez le bout de la courroye, Ung estrangier si le vous vient ester ; Priez pour paix, le vray trésor de joye.
L*ENVOY
Dieu tout puissant nous vueille conforter Toutes choses en terre, ciel et mer, Priez vers lui que brief en tout pourvoye, En lui seul est de tous maulx amender; Priez pour paix, le vray trésor de joye.
