BAUDE
( Jacquet bpsUrt dt* la Trimoille.)
Pour la conqueste de mercy, Où les vaillans hommes et saiges Ont été pris, et mors aussi, En acquérant leurs avantaiges; Amours accroissant les couraiges Des mieulx venuz, lectre patente A tous a donné leurs usaiges, En la forest de longue actente.
Les piteux s'arment de soussy, Les francs se mectent en servaige, Maigres de corps, le cueur noircy De dueil, et pales les visaiges; A tant pour services et gaiges.
Auront trois cens maulx jours de rente Par an, avec les arreraiges.
En la forest de longue actente.
Ceulx qui Amours servent ainsy, En lui faisant foys et hommaiges.
Il les fait après eureux sy Qu'ilz s'eschappent des brigandaiges De Dangiers, par petiz boucaiges, Puis les duit en la droicte sente; Mais premier, paient leurs truaiges, En la forest de longue actente.
L*ENVOy,
Prince , pour duire cueurs volaiges, Affin que nul ne s'en exempte, Mectez les tous en hermitaiges , En la forest de longue actente.
BALADE
Ha ! Dion Amours, où m'avez vous logié?
Tout droit au trait de désir et plaisance,
POÉSIES D8 CHARLES U'OKLÉANS. 111
OÙ, de legier, je puis cslre bleeié Par doulx regart, et plaisant atraiance.
Jusqu'à la mort, dont trop suis en doubtanre , Pour moy couvrir prestez moy ung pavaiz.
Desarmé suis, car pieca mon hamaiz Je le vendy, par le conseil d'oiseuse, Comme lassé de la guerre amoureuse.
Vous savez bien que me suis esloingné, Des longtemps a , d'amoureuse vaillance, Où j'estoye moult fort embesoingné.
Quant m'aviez en vostre gouvernance ; Or en suis hors, Dieu me doint la puissance De me garder que n'y rentre jamais ; Car, quant congneu j'ay les amoureux fais, Retrait me suis de vie si peneuse, Comme lassé de la guerre amoureuse.
Et non pourtant, j'ay esté advisé Que Bel acueil a fait grant alianco Encontre moy, et qu'il est embusché Pour me prandre, s'il peut, par decevanco ; Ung de ses gens, appelle Acointance, M'assault tousjours ; mais souvent je me taiz, Monstrant semblant que je ne quiers que paiz. Sans me bouter en paine dangereuse, Comme lassé de la guerre amoureuse.
L*ENVOY
Voisent faire jeunes gens leurs essaiz.
Car reposer, je me vueil desormaiz ; Plus cure n'ay de pensée soingneusc* , Comme lassé de la guerre amoureuse.
BALADE
Yeulx rougis, plains de piteux pleurs , Fourcelle d'espoir reffroidie, Teste enrumée de douleurs.
Et troublée de frénésie,
112 I*0ÉS1BS 1)S CHAULES U'UULKANS.
Corps perçus sans plaisance lye, Cueur du tout pausmé en rigueurs, Voy souvent avoir à plusieurs, Par le vent de merencolie.
Migraine de plaingnans ardeurs, Transe de sommeil mi partie, Fièvre frissonnans de maleurs, Chault ardant fort en rêverie.
Soif que confort ne rassasie, Dueil baigné en froides sueurs.
Bégayant, et changeant couleurs, Par le vent de merencolie.
Toute tourmentant en langueurs, Colique de forcenerio, Gravelle de seings assailleurs, Raige de désirant folie, Anuys enflans d'ydropisie, Maulx éthiques aussi ailleurs Assourdissent les escouteurs.
Par le vent de merencolie.
l'exvoy.
Guérir ne se peut maladie Par phisique, ne cireurgie, Astronomans, n'enchanteurs, Des maulx que souffrent povres cueurs Par le vent de merencolie.
BALADE
Ce que Tueil despend en plaisir.
Le cueur Tacheté chieremenl, El, quand vient à compte tenir.
Raison, président saigement, Demande pourquoi et comment Est despendue la richesse.
Dont Amours depparl largement, Sans grant espargne de liesse.
POÉSIES HE CHAKI.ES u'OKLÉaNS. 113
Lors respond Amoureux désir :
Amours me tîst commandement
De joyeuse vie servir,
Et obéir entièrement;
Et, s'ay failly aucunement,
On n'en doit blasmer que jeunesse
Qui m'a fait ouvrer sotement,
Sans grant espargne de liesse.
Pas ne mourray sans repentir, Car je m'en repens grandement, Trouvé me suis pis que martir, Souffrant maint doioureux tourment; Désormais en gouvernement Me metz, et es mains de Vieillesse, Bien scay qu'y vivray soubrement.
Sans grant espargne de liesse.
LENVOY.
Le temps passe comme le vent, Il n'est si beau jeu qui ne cesse, En tout fault avoir finement, Sans grant espargne de liesse.
BALADE
Je, qui suis Fortune nommée,
Demande la raison pourquoy
On me donne la renommée,
Qu'on ne se peut fier en moy,
Et n'ay ne fermeté ne foy ;
Car, quant aucuns en mes mains prens,
D'en bas je les monte en haultesse,
Et d'en hault en bas les descens,
Monstrant que suis Dame et maistresse.
En ce, je suis à tort blasmée, Tenant l'usaige de ma loy, Que de longtemps m'a ordonnée Dieu, sur tous le souverain Roy,
114 rOKSiKS l>K CIIAHLI» U'uNLÈAlVS.
Pour donner au monde chastov ; Et, se de mes biens je despens Souventeffoiz , à grant largesse.
Quant bon me semble, les suspens, Monstrant que suis Dame et maistresse.
C'est ma manière aeoustumée, Chas(*un le scet, comme je croy, Et n'est pas nouvelle trouvée , Mais, fays ainsi comme je doy ; Me mocquant, je les monstre au doy Tous ceulx qui en sont mal contons :
En gré pregnent joye ou destresse, Qu'ayent run>des deux me consens, Monstrant que suis Dame et maistresse.
l'bnvov.
Sur ce, s'advise qui a sens.
Soit en jeunesse, ou en vieillesse.
Et qui ne m'entent, je m'entens, Monstrant que suis Dame et maistresse.
baladb.
Fortune, je vous oy complaindre Qu'on vous donne renom, à tort, De savoir, et aider, et faindre, Donnant plaisir et desconfort ; C'est vray, et encore plus fort , Souvent effoiz, contre raison , Boutez de hault plusieurs en bas.
Et de bas en hault; telz debas Vous usez en vostre maison.
Bien savez de plaisance paindre , Et d'espoir, quand prenez depport, Apres effacer et destaindre Toute joye, sans nul support, Et mener à douloureux port , Ne vous chault en quelle saison ;
POESIES DE CHARLES D*ORtÉàNS. 115
Jamais vous n'ouvrez par compas ; Beaucoup pis, que je ne dy pas , Vous usez en vostre maison.
Pour Dieu, vueillez vous en relfraindre, Aflin qu'on ne face rapport, Qui vouldra vostre fait actaindre, Que vous soyez digne de mort :
Vostre manière chascun mort , Plus qu'autre, sans comparaison, Qui regarde par tous estats , Anuy et meschief, à grant tas, Vous usez en vostre maison.
l'bnvoy.
Ne jouez plus de vostre sort, Car trop le passez oultre bort ; Se gens ne laissiez en pais, on Appellera les advocas,.
Qui plaideront que très faulx cas Vous usez en vostre maison . .
B\LADE
Or ca, puisque il faut que responde,
Moy, Fortune, je parleray,
Si grant n'est, ne puissant ou monde,
A qui bien parler n'ozeray.
J'ay fait, faiz encores, etferay,
Ainsi que bon me semblera.
De ceulx qui sont soubz ma puissance ;
Parle qui parler en vouldra.
Je n'en feray qu'à ma plaisance.
Quant les biens, qui sont en la ronde, Sont miens, et je les donneray Par grant largesse, dont j'abonde, Et après je les reprendray ; Certes, à nul tort ne feray.
Qui est ce qui m'en blasmera?
116 POASIBS DB CHARLES D'OULKANS.
Je Tay ainsi d'acoustuinance.
En gré le preigne qui pourra, Je n'en feray qu'à ma plaisance.
En raison jamais ne me fonde.
Mais mon vouloir accompliray :
Les aucuns convient que confonde.
Et les autres avanceray ; Mon propos souvent changeray, En plusieurs lieux, puis ca, puis là.
Sans règle, ne sans ordonnance ; Où est il qui m'en gardera?
Je n'en feray qu'à ma plaisance.
l'knvot.
On escript : tant qu'il nous plaira, Es lettres des seigneurs de France ; Pareillement de moy sera, Je n'en feray qu'à ma plaisance.
BALADE
Fortune, vray est vostre compte, Que quant voz biens donné avez.
Vous les reprenez ; mais, c'est honte.
Et don d'enfant, bien le savez ; Ainsi faire ne le devez.
Voz fais vous mectez à l'enchiere, Chascun ce qu'il en peut, en a, Et ne vous chault comment tout va, Pour Dieu, changez vostre manière K
EscoUier de merancolie, A l'eslude je suis venu, Lectres de mondaine clergie
' Nous trouvons le commencement de cette ballade dans un manuscrit de la nibliotlièque royale {Laval, 193); la fin manque.
POÉSIES DE CHAULES DOIILRANS. 117
Espelant atout ung festu, Et moult fort m'y trouve esperdu ; Lire, n'escripre, ne scay mye, Des verges de Soussy batu, Es derreniers jours-de ma vie.
Pieca, en jeunesse fleurie, Quant de vif entendement fu, J'eusse apris en heure et demye Plus qu'à présent; tant ay vesqu , Que d'engin je me sens vaincu ; On me deust bien, sans flaterie, Chastier despoillié tout nu, Es derreniers jours de ma vie.
Que voulez vous que je vous die?
Je suis pour ung asnyer tenu, Banny de bonne compaignie.
Et de nonchaloir retenu Four le servir, il est conclu ; Qui vouldra pour moy estudie.
Trop tart je m'y suis entendu.
Es derreniers jours de ma vie.
l'envoy.
Se j'ay mon temps mal dospendu, Fait Tay, par conseil de folie; Je m'en sens, et m'en suis sentu, Es derreniers jours de ma vie.
BALADE
L'autre jour tenoit son conseil, En la chambre de ma pensée.
Mon cueur, qui faisoit appareil De deffence contre l'armée De Fortune mal ad visée, Qui guerrier vouloit Espoir :
Se sagement n'est reboutée, Par Bon eur et Lovai vouloir.
1 18 POÉSIBS DB CHARLES d'ORLÉANS.
il n'est chose soubz le souleil, Qui tant doit estre désirée Que paix ; c'est le don non pareil Dont Grâce fait toujours livrée A sa gent qu'a recommandée ; Fol est, qui ne la veult avoir, Quant elle est offerte et donnée, Par Bon eur et Loyal vouloir.
Pour Dieu, laissons dormir traveil , Ce monde n'a gueres durée , Et paine, tant qu'elle a sommeil, Souffrons que prengne reposée; Qui une foiz Ta esprouvée, La doit fuyr, de son povoir, Par tout doit estre déboutée, Par Bon eur et Loyal vouloir.
l'bnvoy.
Dieu nous doint bonne destinée, Et chascun face son devoir.
Ainsi ne sera redoubtée Par Bon eur et Loyal vouloir.
BALADE
En la chambre de ma pensée.
Quant j'ay visité mes trésors, Mainteffoiz la trouve estoffée Richement, de plaisans confors ; A mon cueur je conseille lors, Qu'y prenons notre demourée.
Et que par nous soit bien gardée, Contre tous envieux rappors.
Car Desplaisance maleurée Essaye souvent ses effors, Pour la conquester par emblée, Et nous bouter tous deux dehors ; Se Dieu plaist, assez sommes fors
POÉSIES DB CHARl.KS D'ORLÉANS. 119
Pour bientost rompre son armée , Se d'Espoir bannyere est portée Contre tous envieux rappors.
L'inventoire j'ay regardée De noz meubles, en biens et corps ; De legier, ne sera gastée, Et si ne ferons à nulz tors; Mieux aymerions estre mors, Mon cueuT et moy, que couroucée Fust raison saige'^t redoubtée, Contre tous envieux rappors.
l'bnvoy.
Demeurons tous en bons accors, Pour parvenir à joyeulx pors ; Ou monde (4ui a peu durée, Soustenons Paix la bien amée Contre tous envieux rappors.
BALADE
Je n'ay plus soif, tarie est la fontaine, Bien eschauffé, sans le feu amoureux; Je vois bien eler, ja ne fault qu'on me maine, Folie et sens me gouvernent tous deux, En nonchaloir resveille sommeilleux ; C'est de mon fait une chose mesiée, Ne bien, ne mal , d'avanture menoe.
Je gaîngne et pers, mescontant par sepmaine, Ris, jeux, deduiz, je ne tiens compte d^eulx ; Espoir et dueil me mectent hors d'alaine , Eur me flatent, si m'est trop rigoreux ; Dont vient cela, que je ris et me deulx ?
Est ce par sens, ou folie esprouvée?
Ne bien, ne mal, d'avanture menée,
Guerdonné suis de malheureuse estraine, En combatant, je me rens courageux,
120 POÉSIES DE CHARLES D'ORbélNS.
Joye et Soussy m'ont mis en leur demaine, Tout desconflt, me tiens au renc des preux ; Qui ne sauroit desnoer tous ses neux, Teste d'acier y fauldroit fort armée, Ne bien, ne mal, d'avant ure menée.
