LA COMPLAINTE DE FRANCE
France, jadis on te souloit nommer,
En tous pays, le trésor de noblesse,
Car ung chascun povoit en toy trouver
Bonté, honneur, loyaulté, gentillesse,
Clergie, sens, courtoisie, proesse ;
Tous estrangiers amoient te suir,
Et maintenant voy, dont j'ay desplaisance.
Qu'il te convient maint grief mal soustenir,
Très crestien, franc royaume de France.
182 POÉSnS DE CHARLES d'oHLÉANS.
Scez tu dont vient ton mal, à vray parler?
Congnois tu point pourquoy es en tristesse ?
Conter le vueil, pour vers toy m'acquicter, Escoutes moy, et tu feras sagesse.
Ton grant ourgueil, glotonnie, peresse, Convoitise, sans justice tenir, Et luxure, dont as eu habondance, Ont pourchacié vers Dieu de te punir.
Très crestien, franc royaume de France.
Ne te vueilles pourtant désespérer, Car Dieu est plain de mercy, à largesse ; Va t'en vers lui sa grâce demander, Car il t'a fait, de ja pieca, promesse; Mais que faces ton advocat Humblesse, Que très joyeux sera de toy guérir ; Entièrement metz en lui ta fiance , Pour toy et tous, voulu en croix mourir, Très crestien, franc royaume de France.
Souviengne toy comment voult ordonner Que criasses Montjoye, par liesse.
Et, qu'en escu d'azur, deusses porter Trois fleurs de Lis d'or, et pour hardiesse Fermer en toy, t'envoya sa haultesse, L'Auriflamme qui t'a fait seigneurir Tes ennemis ; ne metz en oubliance Telz dons haultains, dont lui pleut t'enrichir, Très crestien, franc royaume de France.
En oultre plus, te voulu envoyer Par un coulomb qui est plain de simplesse, La unction dont dois tes Roys sacrer.
Afin qu'en eulx dignité plus en cresse ; Et, plus qu'à nul, t'a voulu sa richesse De reliques et corps sains, départir ; Tout le monde en a la congnoissance, Soyes certain qu'il ne te veult faillir, Très crestien, franc royaume de France.
POiSlBS DE CHAHLBS D'oRLÉANS. 183
Court de Romme si te fait appeller Son bras dexfre, car souvent de destresse L'as mise hors, et pour ce approuver, Les Papes font te seoir, seul, sans presse, A leur dextre, se droit jamais ne cesse ; Et pour ce, dois fort pleurer et gémir.
Quant tu desplals à Dieu qui tant t'avance En tous estas, lequel deusses chérir.
Très crestien, flranc royaume de France.
Quelz champions soulpit en toy trouver
Crestienté ! Ja ne fault que l'expresse ;
Charlemaine, Rolant et Olivier,
En sont tesmoings, pour ce, je m'en délaisse,
Et saint Loys Roy, qui fist la rudesse
Des Sarrasins souvent anéantir.
En son vivant, par travail et vaillance ;
Les croniques le monstrent, sans mentir,
Très crestien, franc royaume de France.
Pour ce, France, vueilles toy adviser, Et tost reprens de bien vivre l'adresse ; Tous tes meffaiz metz paine d'amander, Faisant chanter et dire mainte messe Pour les âmes de ceulx qui ont l'aspresse De dure mort souffert, pour te servir ; Leurs loyaultez ayes en souvenance, Riens espargnié n'ont pour toy garantir, Très crestien, franc royaume de France.
Dieu a les braz ouvers pour t'acoler, Prest d'oublier ta vie pécheresse; Requier pardon, bien te vendra aidier Nostre Dame, la très puissant princesse, Qui est ton cry, et que tiens pour maistresso ; Les sains aussi te vendront secourir, Desquelz les corps font en toy demouranee.
Ne vueilles plus en ton pechié dormir.
Très rcestien, franc royaume de Franco.
184 POéSlBS OB CHARLB8 O'oBiJaNS.
Et je, Charles duc d'Orléans, rimer Voulu ces vers, ou temps de ma jeunesse , Devant chacun lesvueil bien advouer, Car prisonnier les fis, je le confesse; Priant à Dieu, qu'avant qu'aye vieillesse.
Le temps de paix partout puist avenir. Comme de cueur j'en ay la desirance, Et que voye tous tes maulx brief finir.
Très crestien, franc royaume de France.
