COMPLAINTE
Amour, ne vous vueille desplaire, Se trop souvent à vous me plains, Je ne puis mon cueur faire taire.
Pour la doleur dont il est plains; Helas ! vueillez penser au meins Aux services qu'il vous a fais, Je vous en pry à jointes mains, Car il en est temps, ou jamais.
Monstrez qu'en avez souvenance, En lui donnant aucun secours.
Faisant semblant qu'avez plaisance Plus à son bien, qu'à ses douleurs ; Ou me dictes, pour Dieu, Amours, Se le lairrez en cest estât, Car d'ainsi demeurer tousjours, Guidez vous que ce soit esbai?
Nennil, car Dangier qui désire De le mectre du tout à mort, L'a mis, pour plustost le destruire, En la prison de Desconfort; Ne jamais ne sera d'accort Qu'il en parte par son vouloir, Combien que trop, et à grant tort.
Longtemps lui a fait mal avoir.
Kt pour la très mauvaise vie
POésiES DE CRARLES d'oBLÉANS. 185
Que lui fait souffrir ce viilain, Il est encheu en maladie, Car de tout ce qui lui est sain, A le rebours, j'en suy certain ; En ceste dolente prison, Ne scay s'il passera demain, Qu'il ne meure sans guerison.
Car il n'a que poires d'angoisse Au matin, pour se desjeuner.
Qui tant le refroisdist et froisse, Qu'il ne peut santé recouvrer ; D'eaue ne lui fault point donner.
Il en a de larmes assez ; Tant a de mal, à vray parler, Que cent en seroient lassez.
Et n'a que le lit de pensée Poursoy reposer et gésir; Mais plaisance s'en est alée.
Qui plus ne le povoit souffrir, A paine l'a peu retenir, S'espoir ne feust jusques à cy ; N'a il donc raison, sans mentir ?
S'il fait requeste de mercy.
Il porte le noir de tristesse, Pour reconfort qu'il a perdu, N'oncques hors des fers de destresse N'est party, pour mal qu'il ait eu ; Touteffoiz vous avez bien sceu Qu'à vous s'estoit du tout donné.
Quelque doleur qu'il ait receu.
Et vous l'avez abandonné !
Par m'ame, c'est donner courage A chascun de voz serviteurs De vous laisser, s'il estoit sage.
Et quérir son party ailleurs;
1^ POÉSIU DB CHARLU D'ORLi^ANS.
Que leur dueii si ne feust congneu,
Auquel entendre ne savoye ;
Oncques si esbahy ne fti.
Si dolent, ne si esperdu;
Car, par Dieu, j'eusse mieulx amé.
Avant que l'en Teust apperceu.
N'avoir jamais jour esté né.
Car, se par ma folle manière, J'eusse monstre, ou par semblant Venant de voulenté legiere, L'amour dont je vous ayme tant.
Par quoy eussiez eu, tant ne quant, De blasme, ne de deshonneur; Je scay bien que tout mon vivant, Je fusse langui en doleur.
En ce point, et encore pire, Alors de vous je me party, Sans avoir loisir de vous dire Lesmaulx dont j'estoye party ; ïouteffoiz. Belle, je vous dy Qu'il vous pleust de vouloir penser Que je vous avoye servi, Et serviroye sans cesser,
Tant comme dureroit ma vie,
Et, quant de mort seroye pris,
De m'ame seriez servie,
Priant pour vous en Paradis,
S'il en estoit en son devis;
Et mes biens, mon cueur et mon corps,
Je les vous ay du tout soubzmis ;
Mais ca esté de leurs accors.
Car il n'est nulle que je clame.
Ne qui se puist nommer, de vray, Ma seule souveraine Dame, Fors que vous, à qui me donnay
POBSIBS DB CHARLES D'oRL^ANS. 189
Le premier jour que regarday Vostre belle plaisant beaulté, De qui vray serviteur mourray, Eu gardant tousjours loyaulté.
Or vueilliez donc avoir pensée, Puisque lors j'avoye tel dueil, Belle très loyaument amée, Qu'encore plus grant le recueil, Maintenant que, contre mon vueil, Me fault estre de vous loingtains, Et que veoir ne puis à Fueil Voz belles, blanches, doulces mains,
Et vostre beaulté nompareille, Que veoye si voulentiers, Plaine de doulceur à merveille, Dont tous voz faiz sont si entiers, Qu'ilz ont esté les messaigiers De me tollir, et près, et loing, Mes vouloirs et mes desiriers ; Ainsi m'aid' Dieu à mon besoing.
Si vous supply, très bonne et belle, Qu'ayez souvenance de moy; Car, à tousjours, vous serez celle Que serviray comme je doy ; Je le vous prometz par ma foy, Dutout à vous me suis donné ; Se Dieu plaist, je feray pourquoy > J'en seray très bien guerdonné.
