COMPLAINTE

L'autrier en ung lieu me trouvay, Triste, pensif et doloreux, Tout mon fait, bien au long, complay Au hault Prince des amoureux, Lequel m'a esté rigoreux,

190 PoisiBS »B CHAIILBS D'ORL^AN!!.

Ou temps que mon cueur le servoit ; Et, ainsi qu il me respondoit, Souvenir, qui fut au plus près, Ses ditz et les miens escripvoit En la manière cy après :

l'amant.

Helas ! Amours, de vous me plains ; Mais les griefz maulx le me font faire, Dont mon cueur et moy sommes plains, Car trop estes de dur afaire; S'un peu me fussiez débonnaire, Espoir, que j'ay du tout perdu, Si me seroit tantost rendu ; Mais pas n'avez tel vostre vueil, Aincois, par vous m'est deffendu Plaisant désir et bel acueil.

AMOURS

Amours respond : A trop grand tort Vous eomplaignez, et sans raison, Car, envers chascun. Reconfort N'est pas tousjours en sa saison ; Et, si savez qu'en ma maison, Une coustume se maintient, C'est assavoir que qui se tient Pour serviteur de mon hostel, Mainteffoiz souffirir lui convient ; L'usaige de mes gens est tel.

l'amant.

Certes, Sire, vous dictes vray ; • Mais l'ordonnance riens ne vault, Parler en puis, car bien le scay.

Et ay dancié à ce court sault ; Parquoy je congnois le deffault De doulx plaisir que l'en y a ; Car, quant mon cueur vous depria Secours, il lui fust escondit,

POéSlBS DB GBARLBS D*ORLéANS. 191

Adoncques, de dueil regnya Vostre povoir, et s'en partit.

AMOURS

Dea! beaulx amis, se dit Amours, Celui qui a servir se met, S'il veult avoir tantost secours, Et le guerdon qu'on lui promet, Ou autrement, il se desmet Du service qu'il a empris ; De Loyaulté seroit repris.

Quand je tendray mon jugement, Et si perdroit tous los et pris, Sans jamais nui recouvrement.