MONSIEUR ARNAUD
l'ay ordre d'vne fille de vostre connoissance de vous écrire ce qui s'est passé à Sainct Clou, et de vous reciter vne auanture que nous y auons eue ensemble. Si ie deuine bien, le mot d'auenture, et le lieu de S. Clou, vous feront d'abord songer à quelque chose d'estrange, et vous ne tarderez guère à scandalizer vostre bonne amie et vostre tres-humble seruiteur. Vous autres galans, estes naturellement soupçonneux, et comme vous iugez d'autruy par vous mesmes, vous ne sçauriez vous imagi-
4 ODEDECALLIOPE
ner qu'vn homme et vne femme puissent estre seuls sans que l'Amour face le troisième. En cela j'auouë que vous réussissez souuent : mais pour cette fois, vous me permettrez de vous asseurer que la rencontre a esté sage; que la conuersation s'est trouuée guerrière, et non amoureuse ; que les chants de triomphe y ont tenu la place des Elégies, et qu'il n'y a rien eu de coquet entre vne Pucelle de la vieille roche, telle que vous la reconnoistrez quand ie vous l'auray nommée, et vn homme qui ne se picque plus de bonnes fortunes. Ces veritez vous paroistront mieux que ie ne vous le dy par la relation que ie vous vay faire. le me promenois ces iours passez auec Calliope dans les jardins de Gondy, où les Muses se sont retirées depuis que la barbarie les a chassées de la Grèce, et le Galimatias d'Italie. La diuine conuersation du génie de Corinthe , qui les a receuës comme ses voisines et ses amies, le murmure des fontaines, la fraischeur des ombrages, la tranquilité de la solitude, la beauté de l'aspect, et enfin les délices de ces lieux, les charment si fort, que non seulement il leur est facile d'oublier le Parnasse, mais Apollon mesme, qui vient rarement en France, depuis que l'insolence Burlesque et le mal-heur de sa rime font qu'on l'y traiite de violon. Il estoit matin, c'est le temps où les Muses donnent plus volontiers leurs audiences, et pendant lequel elles sont si fauorables, que s'il estoit permis de prétendre à la galanterie de ces farouches Pucelles, la naissance de l'aurore seroit asseurement pour elles l'heure du berger. De bonne fortune i'auois trouué Calliope seule. Comme son esprit est grand et releué, et qu'elle est plus fiere que ses autres Sœurs, aussi estelle plus difficile à aborder, et méprise dauantage le commerce des mortels. De là vous pouuez bien penser que ie n'aurois pas eu l'audace de m'en approcher, si le plaisir qu'elle prend à estre entretenue de la gloire du fameux Prince de Condé, et à faire chanter les raerueilles de sa vie, ne l'auoient obligée à m'appeller. Hé bien, me dit-elle, comme ie luy faisois la reuerence, la Victoire de Lens ne sera-t-elle point célébrée? En vérité, luy répondis ie, c'est à quoy je songeois présentement; mais à n'en point mentir, conlinuay-ie, ie m'y trouue tellement
