ODE DE CALLIOPE

Ronsard, qu'on nomme le Prince de nostre Poésie, a-t'il bien reiissi, à vostre auis, en affectant cette vieille singerie? Et feroisie bien, par son exemple, d'introduire le General Bçc raisonnant auec sa caualle, et luy faisant cette promesse :

Ronsard.

le doubleray, pour telle recompense, En tes vieux ans ton foin et ta dépense, Seule au haut bout ie te feray loger De mon estable?

Aurois-ie bonne grâce, en décriuant l'armée, de fournir les rangs de vieux soldats

Qui la moustache en la tasse lauoient?

ou.

De ieunes gens aux mentons damoiseaux.

Pour exprimer le bruit de ces combattans, me seruirois-ie de celte comparaison :

Ainsi qu'on voit les biens volantes grues Craquer aigu?

Egalerois-ie leur nombre aux neiges,

Que Con voit bruiner.

Quand l'hyuer vient les champs enfariner?

Et enfin, prenant entièrement le haut stile, chanterois-ie à l'approche des Armées?

Que l'ost tourbillonneiix Ennubloit l'air d'vn poudrier sablonneux.

Vous voyez bien que cette sorte de poésie ne seroit guère au goust de nostre siècle, et que ie me broiiillerois facilement auec mes amis de l'Académie si ie remplissois mes écrits de l'Aigle

ODEDECALMOPE 9

foudrier , des Hérauts claire-voix , du feu mangeard, des cliquantes armes, du sommeil mignon, et du

Soleil perruque de lumière.

Pour tout dire , trouueriez-vous bon vous-mesme qu'en vous appellant ma nourrisse, ie vous inuoquasse de cette sorte :

Ma nourrice Calliope, Qui du Luth musicien.

Dessus la iumelle crope Du sainct chœur Parnassien?

D'ailleurs, il faut que ie vous auoiie que i'ay vne extrême répugnance à quiter les ornemens qui éleuent cette ancienne manière au dessus de la nostre, et qui l'ont fait appeller le langage des Dieux, et encore pour me réduire à rimer simplement la Gazette, sans fables, sans figures, dans un stile mol et énerué, priué de toute hardiesse, et scrupuleux iusques aux paroles. Ainsi donc ie me fortifie plus que iamais, quelque passion que i'aye pour la gloire de ce grand Prince, à ne point bazarder la description de la fameuse Bataille qu'il vient de gagner, puisque ie ne sçaurois trouuer ce iuste tempérament qui fait le stile parfait, et qui le tient également éloigné de nostre prose mesurée et de la hardiesse rude et sauuage des Anciens. Et toutefois, interrompit Calliope, cette glorieuse action ne demeurera pas sans estre chantée, et mesme auant que nous nous séparions. Vous en prendrez donc la peine, luy repartis ie, car, pour moy, ie me garderay bien d'en amoindrir le mérite en la loiiant de mauuaise grâce. Ouy, repliqua-t'elle d'vn visage plus ouuert et plus gay, ce sera moy qui l'entreprendray , et pleust aux Destins qu'il me fust permis de la célébrer de la manière que nous chantons la naissance du Monde, l'éducation de lupiter, la défaite des Geans et le reste des gestes des Dieux Immortels. Mais les Parques, qui lient lupiter luy mesme, ne souffrent pas que nos diuines chansons viennent aux oreilles des hommes, et de cette sorte, toutes les fois que nous voulons écrire les actions