EPISTRE

A Monsievr le Comte de Fiesqui

TOY que le Sort encontre toy ligué Loin de la Cour aux champs a relégué, Amy des bons, courtois et braue Comte, Qu'auec raison entre les Preux on compte, Issu d'vn Preux qui, plus hardy que trois, Fit vne nuit belle peur aux Génois, Non par vn trait de Ribleur, ou jeune homme, Mais par vn fait que par tout on renomme, Et qui sans plus guerdonnoit sa vertu, S'il n'eust esté par malheur trop vestu, Reçoy ces vers que j'escry pour te rendre Humble salut; car point ne veux prétendre En iceux vers le tien los exalter,

Ton Chapelain trop mieux le peut chanter, Ton Chapelain non pas de ta Chapelle, Mais Chapelain qui chante la Pucelle , Et pour Dunois, le grand et fier Baron, Fait resonner le clairon de Maron.

Ainsi l'entends-je, et sans doute toy-mesme De prime abord l'as entendu de mesme.

Mais vn salut t'enuoyer simplement, Sans te mander ni pourquoy ni comment, Et de Paris, qu'en prouerbe l'on nomme Paris sans pair, mesme en dépit de Rome, Seroit sans doute vn assez mauuais tour, Et ce seroit mal te faire ma Cour.

Permets moy donc qu'en stile Marotique Les vie et mœurs de Paris ie t'explique, Et tu verras si pour vn tel mestier l'ay meilleur nez que n'a le Gazetier.

Donc de Paris voicy ce que puis dire : En bonne foy c'est vn merueilleux Sire, De plus en plus en bombances croissant, Nouueaux Palais tous les jours bastissant, louant gros jeu, tenant fort bojine table, Et deffrayant vn monde innumerable, Parmi son train comptant plus de Valets,

Que Transalpins Princes n'ont de Sujets;

Et dans vn jour faisant plus de despense

Qu'en douze mois n'en fait vn Roy de France.

Item il met en folles actions

Tout son auoir: donne collations ;

Fait tres-souuent assemblées publiques,

Paye et nourrit maintes Troupes Comiques,

Hante la nuit auec jeunes Galans

Infâmes lieux, tauernes et brelans,

Où luy conuient tousiours vuider ses poches,

Et fait rouler plus de dix mille coches.

Pour subsister mange son bled en verd,

En fin finale il se gaste et se perd.

Chez luy pourtant se meine tousiours feste,

Quoy qu'on n'y sache où donner de la teste,

Et qu'on y soit, ainsi que chacun sait,

Tantost à bout de l'an quarante-sept.

De tout cecy France sa panure mère La bonne Dame est en tres-grand'colere, Qui maintesfois a vainement presché, Pour corriger cet Enfant débauché, Et mis à sac ses grosses bouges plaines Pour subuenir à toutes ses fredaines ; Si qu'elle en est dans la nécessité.

POÉSIES DIVERSES I yS

Mais par le nez la tient ce Fils gasté, Qui pour monstrer qu'il craint sa réprimande, Et la duper, Mal vit qui ne s'amande, Ce luy dit-il : le me veux corriger, Puis qu'il le faut. Lors se met à changer Ses beaux habits. Il decout sa dentelle; La fait découdre à toute sa séquelle, Porte le noir, quitte l'argent et l'or, Fait dedorer tous ses coches encor.

Cela pourtant n'est rien qu'hypocrisie.

Le Compagnon fait tousiours mesme vie, En luy n'ayant vn brin d'amendement.

Mais ce qui met France en grand pensement, Et plus que tout luy brouille la ceruelle, C'est qu'elle veut appaiser la querelle Qu'a pris Paris contre vn faux garnement Nommé Madrid, plus fin qu'vn Allemand.

Pourtant ne sont entr'eux billes pareilles. Paris souuent luy tire les oreilles.

Et toutesfois, voulant la paix traiter.

Ont envoyé chez vn nommé Munster, Amy commun, Tudesque et bon yvrogne.

Pas bien ne say comme ira la besogne.

Et moult en crains, car les Gens déclarez

Pour faire paix sont aux couteaux tirez.

A tant m'en tay, délaissant choses telles, Pour te parler vn peu de Demoiselles, Qu'assiègent Gens fort blanchement botez, Frisques Mignons, paupins et frisotez, Riches en bas, en canons, en manchettes, Mais par sur tout fort riches en sornettes. Que ces Beautez prennent pour mots dorez, Rémunérant ces panures altérez D'vn doux regard auec vn doux sousrire ; Car pour le reste ils ne trouuent que frire, Et ces Mondains tant coins et fort jolis Sont bien-heureux d'auoir la Desurlis, Qui maintesfois leur est encor cruelle, Car Damoiseaux payent mal la chandelle.

Dieu les conserue, et gard les gens de bien De rien y perdre^ et de ni gaigner rien.

Encor faut-il te parler du Théâtre, Où tu soulois par fois t'aller esbatre Au temps passé. Tousiours y sont Farceurs Italiens, bons et beaux Gaudisseurs.

Tousiours y sont le fameux Scaramousse, Grand Médecin, qui ne va point en housse, Mais vole en l'air comme vn Esprit malin;

Et des Boufons, le Boufon Triuelin, Qu'Archiboufon pourtant ie ne dis, parce Qu'Archiboufon est Briguelle à la Farce. Tousiours y sont Gracian Balançon, Moult gracieux en sa longue leçon; Puis Mario; puis Dame Marinette, Maistresse mouche, et seruante finette; Aurélia, Pantalon Mioo, Virginie caro filioo ; Lucille enfin au visage malade, Et l'Espagnol fort en rodomontade.

Mais le pis est que cet Amant pelé, Disant tousiours Si dice che'l Sole, Vestu tousiours comme un Valet de feste, Ce Lilio nous rompt tousiours la teste De lieux communs, ord et viel pot pourri, Et toutestois du temps du grand Henry Il fut, dit-on, parangon des Comiques, O grant bonté des Cheualicrs antiques!

Hors iceluy, ces Acteurs estimez, Gens bouffonans, que dessus ay nommez, Quand il leur plaist sottise faire ou dire, Tousiours nous plaist l'oùir, la voir, et rire. Mais toutesfois vn Zany baloté

iy6 POÉSIES DIVERSES

Par les Sergens, Spauento di notte,

Saut, escalade, et telle mommerie,

Chicos Binlis et Turcs de Tartarie

Ne me sont rien au prix de lodelet,

Non de par luy^ ie serois vn folet,

Voire vn grand fol de luy donner la Pomme.

Or entends moy : c'est que le petit homme

Que tu connois, et dont on peut prescher,

L'esprit est prompt, mais infirme est la chair,

A translaté de la Langue EspagnoUe,

N'a pas long temps, Comédie tant folle,

Où lodelet est si plaisant garçon,

Qu'Italiens il iette hors d'arçon.

Tu l'auoùerois si la Pièce auois leûe,

Et plus encor si jouer l'auois veùe,

Dont Francesco de Royas est l'Autheur,

Et Paul Scarron, comme ay dit, Translateur,

Or sur cecy, Comte, s'il te va prendre

Ardent désir de la voir ou l'entendre,

le te feray des loges retenir;

Mais ie crain bien que n'y puisses venir.