A MADAME DE MONTA VSIER

NI tout ce qu'on a dit de l'heureuse contrée Où Messire Honoré fit adorer Astrée, Ni tout ce qu'on a feint des superbes beautez

De ces grands Palais enchantez, Où l'amoureuse Armide et l'amoureuse Alcine

Emprisonnèrent leurs Blondins, Ni les inuentions de ces plaisants jardins,

Que, malgré Falerine, Détruisit le plus fier de tous les Paladins;

Tout cela, quoy qu'en veuillent dire

Les gens qui nous en ont conté, Est moins beau que le lieu d'où ie vous ay datte,

Et d'où ie pretens vous écrire En stile de Romant la pure vérité.

Le bruit que le Zephire excite parmy les feuilles des bocages, au point que la nuit va couurir la terre, agitoit doucement la Forest de Chantilly, lors que dans la plus grande route trois Nymphes aparurent au solitaire Tirsis. Elles n'estoient pas de ces pauures Nymphes des Bois, plus dignes de pitié que d'enuie, qui pour logis et pour habit n'ont que l'escorce des arbres; leur équipage estoit superbe, et leurs vestemens brillans de l'esclat des pierreries; elles auoientsur leurs coefures des Capelines couuertes de plumes, sur leurs espaules des trousses pleines de flèches, dans leurs mains des arcs funestes aux bestes de la Forest qu'elles vouloient attaquer; elles venoient sur vn Chariot paré de velour cramoisy bordé d'vne crépine d'or et enrichi de grosses houpes. La plus âgée, par la majesté de son visage, imprimoit vn profond respect à ceux qui l'approchoient ; celle qui se trouuoit à son costé faisoit esclater vne beauté plus accomplie que la Peinture, la Sculpture, ni la Poésie, n'en ont pu iamais imaginer; la troisième auoit cet air aisé et facile que l'on donne aux Grâces; elle se trouuoit placée aux pieds des deux autres, sur vn carreau de toile d'or, et, tenant d'vne main des resnes de soie, conduisoit quatre Cheuaux blancs qui tiroient le chariot et qui marchoieht d'vn air plus superbe que les Cheuaux d'Achille, que ceux de Rhésus et que ceux de Neptune, qui firent triompher Pelops; et, pour les oster de toute comparaison, ces Cheuaux surpassoient en tout les Cheuaux du Soleil.

Aux deux costez alloiont deux demy-Dieux, L'vn d'vn air doux et l'autre audacieux; L'vn comme vn vray foudre de guerre

Par Mars n'étoit pas égalé; L'autre auecque raison pouuoit estre appelle Les délices de la terre.

Geste diuine troupe s'estant arrestée à la rencontre du mélancolique Berger, la première Nymphe luy fit commandement de s'approcher d'elle ; et, pendant que dansvn profond respect, rauy d'estonnement, il admire cette auanture, la Déesse, auecvn ton de voix qui acheua de le charmer, luy paria ainsi :

Quitte ta mélancolie, Prens ta plume, écris à Iulie Tout ce qui se passe en ces lieux ; Et pour luy faire mieux connoislre qui nous sommes , Nomme nous comme font les hommes.

C'est le commandement des Dieux.

Le Berger, homme assez sage,

Suiuant ce commandement

Prit des hommes le langage,

Et, quittant là le Romant,

Escriuit naïuement

Ce qui suit en cette page.

ADAME ,

Hier au soir, entre Chien et Loup, ie rencontray dans la grande route de Chantilly Madame la Princesse qui s'y promenoit, et qui n'eut iamais tant de santé, accompagnée de Ma-

lôO POESIES DIVERSES

dame de Longueville, qui n'eut iamais tant de beauté, et de Madame de Saint Loup, qui n'eut iamais tant de gayeté, toutes trois en déshabillé et en calèche, suivies des Altesses de Condé et de Conty.

Et d'vn autre petit Cadet Monté sur vn petit Bidet , Dont la mine mutine et fiere Montre qu'il est fils de son père.

C'est nostre Duc qui se fait grand, Et qui visiblement profite Sous la conduite De Madame de Champ-grand, Dont vous connoissez le mérite.

Madame la Princesse, m'ayant aperceu, m'appella et me dit: « Sarasin,ie veux que vous alliez tout à cet heure escrire à Madame de Montausier que iamais Chantilly n'a esté plus beau, que iamais on n'y a mieux passé le temps, qu'on ne l'y a iamais dauantage souhaitée, et qu'elle se mocque d'estre en Xaintonge pendant que nous sommes icy. »

Mandez luj ce que nous faisons,

Mandez luy ce que nous disons.

l'obeïs comme on me commande,

Et voicy que ie vous le mande.

Quand l'Aurore sortant des portes d'Orient Fait voir aux Indiens son visage riant, Que des petits oyseaux les troupes éueillées

POÉSIES DIVERSES l8l

Renouuellent leur chant sous les vertes feiiillées, Que par tout le trauail commence auec effort,

A Chantilly l'on dort.

Aussi, lors que la nuit étend ses sombres voiles , Que la Lune brillante au milieu des Estoiles D'vne heure pour le moins a passé la minuit ,

Que le calme a chassé le bruit, Que dans tout l'Vniuers tout le monde sommeille, A Chantilly l'on veille.

Entre ces deux extremitez Que nous passons bien nostre vïe 1 Et que la maison de Siluie A d'aimables diuersitez!

Les sens y sont enchantez, Les bois, les estangs et les sources; Et les ruisseaux qui, dans leurs courses, D'vn pas bruyant et diligent, Font rouler leurs ondes d'argent; Les jardins, les forests, les costaux, les prairies, Le superbe bastiment Paré de tapisseries, Où la matière et l'art combattent noblement, Et que vous connoissez particulièrement, Peuuent-ils pas passer pour un enchantement?

Icy nous auons la musique

De luts, de violons et de voix,

Nous goustons les plaisirs des bois, Et des chiens, et du cor, et du Veneur qui pique;

Tantost à cheual nous volons,

Et brusquement nous enfilons

La bague au bout de la carrière;

Nous combattons à la barrière,

Nous faisons de jolis tournois.

Nous allons tous à cours à l'ombrage des bois. Et nous donnons le Bal tous les soirs vne fois, loignant l'humeur galante auec l'humeur guerrière, Et quant à nos festins, ils valent beaucoup mieux Que le festin des Dieux.

Ni le Nectar, ni l'Ambroisie, Qui sont mets fort légers, selon ma fantaisie. N'égalent pas nos Perdreaux,

Ni les gros poissons de nos eaux.

Ni nos fruits très-bons et très-beaux, Ni nos Melons qu'on croiroit d'Italie.

Conteray je dans cet écrit Les plaisirs innocens que gouste nostre esprit? Diray-ie qu'Ablancourt, Calprenede et Corneille,

C'est à dire vulgairement

POÉSIES DIVERSES l83

Les Vers, l'Histoire, le Romant ,

Nous diuertissent à merueille, Et que nos entretiens n'ont rien que de charmant?

Or çà, parlez-moy franchement, En vous imaginant ce diuertissement,

Vous auez la puce à l'oreille. Et vous haïssez bien vostre Gouuernement.

Quant est de moy, ie vous conseille

De venir icy promptement , Et pour vous y pouuoir trouuer dans vn moment.

D'emprunter la grande serpente Où les bons Amadis s'embarquoient à souhait.

Elle court comme la tourmente

Ou le cheual de Pacolet,

Qui vole comme vne fusée.

C'est là justement vostre fait ,

Et la monture est fort aisée :

Car l'Hypogriphe est vn oyseau trop laid , Tels Palefrois font peur aux Demoiselles,

Et puis du grand vent de ses ailes

Il gasteroit vostre colet.

Venez donc, diuine Ivlie,

Nostre Princesse vous en prie;

Ne vous faites plus désirer,

Et laissez en paix murmurer Vostre Espoux qui peste et qui gronde Contre ceux qui prennent la fronde, Et qui ne souffre nullement Qu'on dise bien du Parlement.

C'est vn fier et merueilleux Sire.

S'il vouloit pourtant nous écrire, Il nous obligeroit bien fort.

Adieu, mon Apollon s'endort, Et ie n'en pensois pas tant dire Sur le champ et tout d'vne tire.

Toutesfois, ie ne suis pas encore si endormy que ie ne sçache bien qu'vne lettre qui a commencé par Madame doit aussi finir par: le suis vostre très, etc.