EXTRAICT DE PLUTARQUE

Qu'est-ce et que n'est-ce que de l'homme : C'est l'umbre du songe, d'un somme.

Quand tu seras, par les Dieux, visité De la doulleur de quelque adversité.

Suporte-là en patience doulee.

Modestement; et poinct ne t'en courrouce.

Dame Vénus est ores mon desduict,

Et de Bacchus le breuvaige me duict ;

Les dons aussy des Muses. Car ce sont

Les poinctz qui vivre en plaisir l'homme font.

Gupido, venant à semer

Un gratieulx de'sir d'aimer,

Au cueur de l'homme saige assemble

L'honneur et le plaisir ensemble.

Plorer convient celluy qui sort du ventre, Pour tant de maulx auxquelz naissant il entre, Et convoyer au sépulchre le mort Qui des travaulx de ceste vie sort ?

En faisant tous d'aise signe et de joye, Et bénissant de son départ la voye.

Pas engendré ne t'a le père tien

Pour, en ce monde, avoir, sans mal, tout bien.

Il fault sentir aulcunes foys liesse

Et quelques foys aussy de la tristesse.

N'ayez le cueur de jamais à personne La pauvreté reprocher, que Dieu donne.