SONNET POLITIQUE
(iDyô, en mars.)
Les guerriers, les impostz, les affaires de France Sont conduicts, sont levez, sont menés à noz veulx Par Peron, par Gondi, par Birague odieux, Sans valleur, sans pitié, sans la juste balance.
La craincte, l'avarice et la lourde ignorance Du couart, du pillart, du vieil séditieulx î
Nous aporte malheur, pauvreté, violence.
Vous noblesse, vous peuple et vous gens de justice, Deschassez, saccaigez, envoyez au suplice Ce poltron, ce larron, ce Millanois sans foy.
Et vous, qui le repoz de ce royaume aimez, Décorez, deschargez, sainctement refformez La noblesse, le peuple et le conseil du Roy.
i. Il manque, dans ce deuxième quatrain, un vers rimant avec séditieux.
— oi — COMPOSITION DU BONNET CARRE
ENSEMBLE DES VERTUZ d'iCELLUY
Incontinant après que le grand Lucifer Se veid tomber des cieulx au plus creux de l'enfer. Il appella tout hault ses diables et leur dict ' : « Or ça, mes eompaignons, nous perdons le crédit « Et béneffice heureux que le beau ciel de'part; « Et n'avons seullement qu'enfer pour nostre part. « C'est nostre propre lieu ; et ne nous fault prétendre, « Sinon, doresnavant, à mal-faire entreprendre. « Le péché nous est bon; le bien nous est contraire. « Il fault donq devers nous tousjours tascher d'attraire « Quelque pigeon nouveau. Bref, par nostre mallice, « Fault, par le monde rond, faire régner le vice, « Abollir la vertu et, d'une estrange sorte, « Tenir en nostre rang, jour et nuict, la main forte, « Pour rendre des humains le règne divisé. " Or voyez ce que fay, de grand cueur, advisé. « Le peuple, en maint endroict, regardant d'aventure [i Nostre façon ydeuse et nostre pourtraicture, « S'en mocque et rit souvent ; et surtout est tenue « A desdaing et mespris nostre teste cornue. « Mais, malgré ces mocqueurs, par tout le monde entier. Adorer je feray, de quartier en quartier,
i. L'alternance des rimes masculines et féminines est très fréquemment méconnue dans cette pièce.
o Les cornes tellement qu'heureulx s'estimera
« Celluy qui, les voyant, le genœil fléchira.
« Et sçavez-vous comment? En cest obscur manoir,
« Nous ferons un bonnet de quelque fin drapt noir,
« Bonnet qui, cauteleux, quatre cornes aura,
« Dans lesquelles du tout nostre sçavoir sera :
« Sçavoir, dis-je, infernal, malheureulx et horrible,
« Dont sera gardien ce bonnet si terrible;
« De façon que tous maulx en luy seront comprins,
« Estant ce beau bonnet de nostre enfer le prix :
« Mesmes il sera tel qu'aux plus e'minens lieulx
« 11 sera révéré et servi comme ung dieu.
« En faisant triompher qui luy obéira
« Et mourir faulcement qui luy contredira.
« Ainsy ce seul bonnet, par son grand maléfice,
« Fera, sans nous péner, cy après nostre office.
« Besoignons donq soubdain et que chacune raige
« S'emplove évidemment à ce gaillard ouvraige. »
Lucifer lors se teust; et, sans nulle responce, Chacun des infernaulx vient à ceste semonce. Satan bailla soubdain le drap, fin au possible, Lucifer print l'esguille et poignante et nuisible; Et les filles d'Orebbe • et de la nuit obscure D'aprester tost le fil prindrent toute la cure. Le bonnet fut taillé; et chacun d'eulx, à force,
i. Erùhe.
De faire ce bonnet, d'heure en heure, s'efforce. Tous les esprits malings, jusques au chien portier, Exerçoient, ce jour-là, Testât de bonnettier, Sans qu'aulcun se trouvast, contre l'euvre, estrivant Feirent premièrement la corne du devant Poinctue en aiguillon et mirent en icelle, Pour honneste ornement, Rapine et sa séquelle. Larcin, son propre enfant, qui n'espargne personne. Fut mis, avec sa mère, en la corne félonne; Et les accompaigna Faulx-Semblant, Sans-Rayson. Orgueil, Farde-Conseil, Finesse, Trahison. Cruaulté, Infamie, Horreur, avec Fallace. Puis après, de grand cueur, sans partir de la place, Feirent, des deux costez, les deux cornes inicques. Où furent mises lors mille faulces pratiques. Celle du costé dextre eust, pour sa part, Envye. Avec Ambition; et, n'estant assouvye, Eust encor, de rechef, son Becq, Caquet et Ruse. Qui ses propres amvs journellement abuse: Avidité, Feinctise, Invention nouvelle.
Avarice, Luxure, Inimitié rebelle, Opinion perverse, infidelle Promesse, Desloyaulté, Cautelle, aussy peu que Sagesse. Et de la corne gauche, avec grande furie, Prindrent possession trompeuse Menterie, Vendition de cause, infect Entendement, Renversement de Droict, Faulx et légier Serment. Mondanité, Paresse, Injustice, Asnerie,
Falsiffication, vieille Chiccanerie,
Adjournements, Défaulx, Sentences, Contredictz,
Pour brouiller les plus sainctz qui sont en paradis.
Forces Prinses de corps, Appoinctemens à mectre,
Y attirent aussi, avec procès, leur maistre.
Bref tous les meschans tours qu'Enfer eust en caboche,
Furent mis sur le champ dedans ce costé gauche.
Et, dans la grosse corne estant sur le derrière,
Un grand nombre d'esprits de la noire tanière
Se posèrent soubdain. Aussy feirent les raiges
Pour, par leurs martiaulx et vénéneux couraiges.
Défendre ce bonnet, exécuter son ire.
Et, par tout l'univers le garder et conduire.
Ce bonnet donq parfaict, Lucifer le contemple,
Le torne; et, le voyant, luy-mesme de peur tremble.
En prévoyant les maulx qu'il estoit asseuré
Que feroit, quelque jour, ce beau bonnet carré.
Ce faict, feit apporter feu ardent de son gouffre.
En respendant dessus venin mortel et souffre,
Il sufïoga l très bien ce bonnet malheureulx,
Piroettant autour, encores tout peureux ;
Puis, en roullant les yeulx, de sa griffe le touche.
Et dict les vers suyvans, de sa perverse bouche :
« Bonnet, lequel au doigt je monstre « Bonnet, dis-je, malheureulx monstre.
i. Il suffoqua.
« Bonnet infernal et dampné.
a Sur la terre bien fortuné :
« Bonnet infidelle et inicque, « Bonnet qui ne veult que praticque.
« Bonnet, l'horreur de tout le monde, « Bonnet, en qui tout mal habonde, « Bonnet, des aultres bonnetz dieu.
m Bonnet, qui a le premier lieu « De toute la rotonde terre, « Bonnet, qui tousjours fera guerre:
« Bonnet carré, bonnet cornu, o Qui rendra son voysin tout nud ; « Bonnet, faict à quatre mallices; « Bonnet, fourré de tous les vices; « Bonnet non pareil, bonnet fort, « Qui fera d'un bon droict le tort ; « Bonnet plus poignant que sagettes.
« Avec[que] ses quatre brayettes; « Bonnet qui, portant nom de saige, « Jouera si bien son personnaige « Que les plus grandz l'adoreront « D'aussy loing comme ils le verront; « Bonnet, de soy-mesme meschant ; « Bonnet de tous costez trenchant:
« Bonnet rempli de tricherie ; « Bonnet qui, par chiccanerie, a Rendra maint prudhomme indigent; « Bonnet amateur de l'argent.
« Bonnet que le terrible enfer
« A voullu luy-mes.me estofFer ;
« Bonnet menteur, bonnet cryard ;
« Bonnet qui fera, par son art,
« Ung jour impossible possible;
« Bonnet fascheux, bonnet nuisible;
« Hardy bonnet, bonnet fantasque;
« Bonnet bon pour aller en masque;
« Bonnet qui sent bien sa marmitte;
a Bonnet qui faict la chattemitte;
o Bonnet qui disnera pour rien
« Et mangera d'aultruy le bien;
« Bonnet pillard, bonnet fort chiche;
« Bonnet, sur tous les autres riches;
« Bonnet friand, bonnet farouche,
« Inventeur de mainte escarmouche;
« Bonnet, lequel estant pelle,
« Sera bientost renouvelle
« Par ung mourceau de parchemin;
« Bonnet qui, trottant par chemin,
« Fera aux petitz enfens peur;
« Bonnet mutin, bonnet trompeur ;
« Bonnet qui plus d'or gaignera,
« Allors que mieulx il mentira,
« Qu'un aultre en disant vérité;
« Bonnet qui, estant irrité,
« Fera trembler mesme les cieulx;
« Bonnet par trop audacieulx :
a Bonnet inventeur de procès
« Duquel on cherchera l'accez;
« Bonnet fardé, bonnet mauldit;
« Bonnet de tout bien interdit:
« Bonnet dangereulx et lubricque ;
i Bonnet plus que diabolicque ;
« Bonnet contraire à Jésus-Christ:
« Bonnet pire qu'un Antéchrist:
« Bonnet propre pour tout mal faire,
« Mesmes les plus grands seigneurs taire
« Bonnet desquelz tiendra l'envye,
« Des humains la mort ou la vie:
« Bonnet [très] doulx et favorable.
« Aux pécunieux vénérable ;
« Bonnet de crédit, bonnet brave
o Pour quelque asne qui n'a que bave :
« Bonnet qui ne vault une pitte i ;
« Bonnet plein de fureur despitte ;
» Bonnet raillart, bonnet infamme;
« Bonnet qui sçait prendre la gamme:
« Bonnet qui faict les lois rempart
« Et n'en tient pas la moindre part :
« Meschant bonnet, bonnet poinctu :
« Bonnet ennemy de vertu ;
« Bonnet fol et opiniastre ;
« Bonnet sot et accariastre ;
i. La plus petite monnaie du temps.
« Bonnet remply d'inimitié; « Bonnet sans rayson ni pitié; « Bonnet que l'on doibt bien fuir; « Bonnet qui ne peult s'esjouyr « Qu'à voir faire du mal; bonnet « Pervers, dangereulx et finet, « Il te convient acheminer « Par le monde et y dominer, « Affin de te mectre en soucy.
« Desloge doncq, vuyde d'icy; « Et va prendre possession « De ta vraye habitation. »
Si tost que Lucifer, présens tous ses suppostz, Eust mis fin à ses dictz et douloureux propoz, Le jour s'esvanouyst et l'obscur vint sur terre. Puis après, tout à coup, un esclattant tonnerre, Entremeslé d'esclairs, vint mesler ses effortz, Espouventant les sens des hommes les plus fortz. Voix de malings espritz furent lors entendues, Errantes çà et là, la nuict, parmy les rues; Et monsieur le bonnet, du centre bas, s'absente Et aux tristes humains bravement se présente; En sa lesse les met, les tormente et menace Et leur faict voir le joug soubs sa cruelle audace; Les tond jusqu'à la peau et si bien les martire Qu'il leur faict voir qu'il est de tous bonnetz le pire.
Celluy le peut sçavoir qui, contre l'équité, L'a, hélas! à son dam trop expérimenté.
