BALLADES, XCVI, 19 — XCVII

Ainsi, par un temps l’atendoye.

Tantost devers moy retournoit Et me monstra, dont jeux grant joye, Ung livre qu’en sa main tenoit, 20 Ouquel dedens escript portoit Ses faiz, au long et bien entiers, Desquelz informer me feroit, Mais qu'eust visité ses papiers.

Lors demenday se g”y liroye, 25 Ou se mieulx lire lui plaisoit ?

Il dit que trop peine prendroye.

Pourtant a lire commancçoit ; [p. 230] Et puis getoit et assommoit Le conte des biens et dangiers 30

Tout a ung ; vy que revendroÿe, Mais qu'eust visité ses papiers.

Lors dy : « Jamais je ne cuidoye, Ne nul autre ne le croiroit, Qu’en amer, ou chascun s’employe, 35 De prouffit n’eust plus grant exploit ; Amours ainsi les gens deçoit, Plus ne m’aura en telz santiers.

Mon cuer bien efacier pourroit, Mais qu'eust visité ses papiers. » 40

Amours savoir ne me devroit Mal gré, se blasme ses mestiers; Il verroit mon gaing bien estroit, Mais qu’eust visité ses papiers.

CHARLES D 'ORLÉANS

XCVIHI

N tirant d’Orleans a Blois, L'autre jour par eaue venoye.

Si rencontré, par plusieurs foiz, Vaisseaux, ainsi que je passoye, Qui singloient leur droicte voye Et aloient legierement,

Pour ce qu'eurent, comme veoye, .

À plaisir et a gré le vent.

Mon cueur, Penser et moy, nous troys,

Les regardasmes a grant joye,

Et dit mon cueur a basse vois :

« Voulentiers en ce point feroye, De Confort la voille tendroye,

Se je cuidoye seurement

Avoir, ainsi que je vouldroye,

À plaisir et a gré le vent.

« Mais je treuve le plus des mois,

L’eaue de Fortune si quoye, Quant ou bateau du Monde vois, Que, s'avirons d’Espoir n’avoye, Souvent en chemin demouroye, En trop grant ennuy longuement ; Pour neant en vain actendroye

À plaisir et a gré le vent! »

Les nefz dont cy devant parloye Montoient, et je descendoye

IS