BALLADES, CIV, 22, — CV

N la forest de Longue Actente, [p.

Chevauchant par divers sentiers M’en voys, ceste annee presente, Ou voyage de Desiriers.

Devant sont allez mes fourriers Pour appareiller mon logeis En la cité de Destinee ; Et pour mon cueur et moy ont pris L'ostellerie de Pensee.

Je mayne des chevaulx quarente Et autant pour mes officiers, Voire, par Dieu, plus de soixante, Sans les bagaiges et sommiers.

Loger nous fauldra par quartiers, Se les hostelz sont trop petis ; Toutesfoiz, pour une vespree, En gré prendray, soit mieulx ou pis, L'ostellerie de Pensee.

Je despens chascun jour ma rente En maintz travaulx avanturiers, Dont est Fortune mal contente Qui soutient contre moy Dangiers; Mais Espoirs, s’ilz sont droicturiers Et tiennent ce qu’ilz m'ont promis, Je pense faire telle armée Qu'auray, malgré mes ennemis, L’ostellerie de Pensee.