BALLADES, CXVIII, 3 — CXIX

N la chambre de ma pensee, Quant j’ay visité mes tresors, Maintesfoiz la treuve estoffee Richement de plaisans confors.

À mon cueur je conseille lors Qu’i prenons nostre demouree, Et que par nous soit bien gardee Contre tous ennuyeux rappors.

Car Desplaisance maleuree

Essaye souvent ses effors,

Pour la conquester par emblee

Et nous bouter tous deux dehors ; Se Dieu plaist, assez sommes fors Pour bien tost rompre son armee, Se d’Espoir banyere est portee Contre tous ennuyeux rappors.

L’inventoire j’ay regardee De noz meubles, en biens et corps; De legier ne sera gastee, Et si ne ferons a nulz tors.

Mieulx aymerions estre mors, Mon cueur et moy, que courrocee Fust Raison, sage et redoubtee, Contre tous ennuyeux rappors.

Demourons tous en bons accors, Pour parvenir a joyeux pors :

CHARLES D'ORLÉANS

Ou monde, qui a peu duree, Soustenons Paix, la bien amee, Contre tous ennuyeux rappors.

J' n'ay plus soif, tairie est la fontaine ; [r.

Bien eschauffé, sans le feu amoureux ; Je voy bien cler, ja ne fault c’on me maine ; Folie et Sens.me gouvernent tous deux ; En Nonchaloir resveille sommeilleux ; C’est de mon fait une chose meslee, Ne bien, ne mal, d'aventure menee.

Je gaingne et pers, m'escontant par sepmaine ;

Ris, Jeux, Deduiz, je ne tiens conte d’eulx : Espoir et Dueil me mettent hors d’alaine ; Eur, me flatent, si m'est trop rigoreux ; Dont vient cela que je riz et me deulz ?

Esse par sens ou folie esprouvee ?

Ne bien, ne mal, d'aventure menee.

Guerdonné suis de malleureuse estraine ; En combatant, je me rens couraigeux ; Joye et Soussy m’ont mis en leur demaine ;

Tout desconfit, me tiens au ranc des preux ;

Qui me saroit desnoer tous ses neux ?

Teste d’assier y fauldroit, fort armee, Ne bien, ne mal, d'aventure menee.

Veillesse fait me jouer a telz jeux, Perdre et gaingner, et tout par ses conseulx ;

BALLAUES, CXIX, 27 — CXXI, 23 133

A la faille j’ay joué ceste annee, Ne bien, ne mal, d'aventure menee. 25

OURQUOY m'as tu vendu, Jennesse, p.148) À grant marchié, comme pour rien, Es mains de ma Dame Viellesse Qui ne me fait gueres de bien ?

À elle peu tenu me tien, | Ù Mais il convient que je l’endure, Puis que c’est le cours de nature.

Son hostel de noir de Tristesse Est tandu ; quant dedans je vien, G’y voy l’istoire de Destresse 10 Qui me fait changer mon maintien Quant la ly, et maint mal soustien ; Espargnee n’est creature,

Puis que c’est le cours de nature.

Prenant en gré ceste rudesse, 15 Le mal d’aultruy conpare au myen; Lors me tance Dame Sagesse, Adoncques en moy je revien, Et croy de tout le conseil sien Qui est en ce plain de droiture, 20 Puis que c’est le cours de nature.

Dire ne saroye conbien Dedans mon cueur mal je retien,

CHARLES D'ORLÉANS

Serré d'une vielle sainture, Puis que c’est le cours de nature.