BALLADES, III, 21 — V
Et se mettre tout en leur gouvernance :
Nul ne tendroit contre telle puissance.
Qu'il soit ainsi bien le me fist aprandre Ma maistresse, mon souverain desir.
Quant il lui pleut ja pieça entreprandre De me vouloir de ses doulx yeulx ferir ; Oncques depuis mon cueur ne peut guerir, Car lors fut il desconfit a oultrance ;
Nul ne tendroit contre telle puissance.
M SPARGNIEZ vostre doulx attrait
Et vostre gracieux parler, Car Dieu scet les maulx qu'ilz ont fait À mon povre cuéur endurer.
Puis que ne voulés m'acorder Ce qui pourroit mes maulx guerir, Laissiez moy passer ma meschance, Sans plus me vouloir assaillir Par vostre plaisant accointance!
Vers Amours faictes grant forfait, Je l'ose pour vray advouer, Quant me ferez d’amoureux trait Et ne me voulez conforter.
Je croy que me voulez tuer.
Pleust a Dieu que peussiez sentir Une fois la dure grevance Que m'avez fait long temps souffrir Par vostre plaisant accointance !
Ip. 21!
CHARLES D'ORLÉANS
Helas ! que vous ay je meffait Par quoy me doyez tourmenter ? 20 Quant mon cueur d’amer se retrait, Tantost le venez rappeller ; Plaise vous en paix le laissier, Ou lui accordez son desir ; Honte vous est, non pas vaillance, 2, D'un loyal cueur ainsi meurdrir Par vostre plaisant accointance !
A pas long temps qu’alay parler [p.22] À mon cueur, tout secrettement, Et lui conseillay de s’oster Hors de l’amoureux pensement ; Mais lil] me dist bien fellement :
« Ne m'en parlez plus, je vous prie;
LA
- J'ameray tousjours, se m’aist Dieux,
Car j'ay la plus belle choisie.
Ainsi m'ont raporté mes yeulx. »
Lors dis : « Vueilliez me pardonner, 10 Car je vous jure mon serement Que conseil vous cuide donner, À mon povair, tresloyaument ; Voulez vous sans allesement En doleur finer vostre vie ? 7.
— Nennil dya, dist il, j’auray mieulx :
Ma Dame m'a fait chiere lie; Ainsi m'ont raporté mes yeulx.
