BALLADES, XLII, 34 — XLIV

Pour ce sachiez, je m’en acquitte, Belle tresloyaument amee, Se lectre ne lui est escripte Par vous ou nouvelle mandee, Dont sa doleur soit allegee, Il a fait son veu et promesse De renoncer a la richesse De Plaisir et de Doulx Penser, Et aprés ce, toute sa vie, L’abit de Desconfort porter:

Si lui dis je que c’est folie.

Se par vous n'est, Belle sans per, Pour quelque chose que lui die, Mon cueur ne se veult conforter ; Si lui dis je que c’est folie.

ANGIER, je vous giette mon gant,

Vous apellant de traïson, Devant le Dieu d’Amours puissant Qui me fera de vous raison :

Car vous m'avez mainte saison Fait douleur a tort endurer, Et me faittes loings demourer De la nompareille de France.

Mais vous l'avez tousjours d’usance De grever loyaulx amoureux, Et pour ce que je sui l’un d’eulx,

Pour eulx et moy prens la querelle ; Charles d'Orléans