BALLADES, LXVI, 11 — LXVII

Dont je suy joyeux et d’accort ; | 10 Pour vous, son cueur me veult donner Sans departir, jusqu’a la mort.

Ce change doy je recevoir En grant gré tresjoyeusement ; - Or vous charge d’entier povair, 15 Si chier et tant estroittement Que je puis, plus que loyaument Soit par vous cherie et amee ; Eten tous lieux, nuit et journee, L’acompaignez, sans la laissier, 20 Tant que j'en aye bon rapport ; Il vous couvient sien demourer, Sans departir, jusqu'a la mort.

Âlez vous logier ou manoir De son tresgracieux corps gent, 25 Pour y demourer main et soir, Et lonnourer entierement.

Car, par son bon commandement, Lieutenant vous veult ordonner

De son cueur, en joyeux deport; 30

Pensés de bien vous gouverner,

Sans departir, jusqu’a la mort. [p. 95] LX VIII

ELLE, se ne m’osez donner De voz doulx baisiers amoureux, Pour paour de Dangier courroucer,

CHARLES D ORLÉANS

Qui tousjours est fel et crueux, J'en embleray bien un ou deux; Mais que n’y prenez desplaisir Et que le vueilliez consentir, Maugré Dangier et ses conseulx.

De ce faulx vilain aveugler, Dieu scet se j'en suy desireux; Nul ne le peut aprivoiser,

Tous temps est si soupeçonneux Qu’en penser languist doloreux Quant il voit Plaisance venir ; Mais elle se scet bien chevir; Maugré Dangier et ses conseulx.

Quant estroit la cuide garder, Hardy Cueur, secret et eureux, S'avecques lui scet amener Avis Bon et Aventureux,

Desguisé soubz Maintien Honteux, Bien peuent Dangier endormir ; Lors Plaisance fait son desir, Maugré Dangier et ses conseulx.

Bien dessert guerdon plantureux Advis, qui scet si bien servir Au besoing et trouver loisir, Maugré Dangier et ses conseulx.