BALLADES, LXXIV, 17 —LXXVI

Or nous doint Dieu bonne paix sans tarder !

Adonc auray loisir, mais qu’ainsi soit, 20 De voir France que mon cueur amer doit.

Paix est tresor qu’on ne peut trop loer.

Je hé guerre, point ne la doy prisier ; Destourbé m’a long temps, soit tort ou droit, De voir France que mon cueur amer doit! 25

“MRÉÉs pour paix, doulce Vierge Marie, [p. 195] Royne des cieulx, et du monde maistresse,

Faictes prier, par vostre courtoisie,

Saints et saintes, et prenés vostre adresse

Vers vostre filz, requerant sa haultesse <

Qu'il lui plaise son peuple regarder,

Que de son sang a voulu racheter,

En deboutant guerre qui tout desvoye ;

De prieres ne vous vueilliez lasser :

Priez pour paix, le vray tresor de joye ! 10

Priez, prelas et gens de sainte vie, Religieux ne dormez en peresse, Priez, maistres et tous suivans clergie,

— Car par guerre fault que l'estude cesse ; Moustiers destruis sont sans qu’on les redresse, 15 Le service de Dieu vous fault laissier.

Quant ne povez en repos demourer,

Priez si fort que briefment Dieu vous oye ; L'Eglise voult a ce vous ordonner:

Priez pour paix, le vray tresor de joye! 20

CHARLES D ORLEANS

Priez, princes qui avez seigneurie, Rovys. ducs, contes, barons plains de noblesse, Gentiiz hommes avec chevalerie, Car meschans gens surmontent gentillesse ; En leurs mains ont toute vostre richesse, Debatz les font en hault estat monter, Vous le povez chascun jour veoir au cler, Et sont riches de voz biens et monnoye Dont vous deussiez le peuple suporter :

Priez pour paix, le vray tresor de joye!

Priez, peuple qui souffrez tirannie, p. 196]

Car voz seigneurs sont en telle foiblesse Qu’ilz ne peuent vous garder, par maistrie, Ne vous aidier en vostre grant destresse ; Loyaulx marchans, la selle si vous blesse Fort sur le dox; chascun vous vient presser Et ne povez marchandise mener,

Car vous n’avez seur passage ne voye,

Et maint peril vous couvient il passer :

Priez pour paix, le vray tresor de joye!

Priez, galans joyeux en compaignie, Qui despendre desirez a largesse, Gucrre vous tient la bourse desgarnie ; Priez, amans, qui voulez en liesse Servir amours, car guerre, par rudesse, Vous destourbe de voz dames hanter, Qui maintesfoiz fait leurs vouloirs tourner ; Et quant tenez le bout de la couroye, Un estrangier si le vous vient oster :

Priez pour paix, le vray tresor de joye !