LXXVII

Response de Garencieres

( . Dieu des amoureux,

Prince de joyeuse plaisance, Moy, Garencieres, tressoingneux De vous servir de ma puissance, Vien devers vous, en obeissance, Pour vous humblement requerir Que vous vueilliez faire punir Un homme de mauvaise vie, Qui, contre raison, veult tenir Le droit de vostre seigneurie.

C’est un enfant malicieux,’ Ou nul ne doit avoir fiance, Car il en a ja plus de deux Deceues, ou pais de France, Dont vous deussiez prandre vengeance,

CHARLES D'ORLÉANS

Pour faire les autres cremir :

C'est le prince de Bien Mentir, Ainsné frere de Janglerie, Qui, contre raison, veult tenir Le droit de vostre seigneurie.

Onques Lucifer, l'orgueilleux,

Ne fist sf grant oultrecuidance Quant il emprist d’estre envieux Sur le Dieu de toute puissance.

Il me semble que, par sentence, Vous le deussiez faire bannir

De vostre court, sans revenir, Lui et sa faulse compaignie,

Qui, contre raison veult tenir

Le droit de vostre seigneurie.

Prince, s’on doit avoir vaillance Pour mentir a grant habondance Et pour faulseté maintenir, Vous verrés icellui venir À grant honneur, n’en doubtez mie, Qui, contre raison, veult tenir Le droit de vostre seigneurie !

N acquittant nostre temps vers Jeunesse,

Le nouvel an et la saison jolie, Plains de plaisir et de toute liesse,

Qui chascun d’eulx chierement nous en prie,

Venuz sommes en ceste mommerie, Belles, bonnes, plaisans et gracieuses, Prestz de dancer et faire chiere lie, Pour resveillier voz pensees joieuses.