QUE VILLON FEIT A LA REQUESTE DE SA MERE POUR PRIER NOSTRE DAME
Dame des ciculx, régente terrienne [reine de la terre],
Emperiere des infernaux paluz [des marais de l'enfer],
Recevez moy, vostre humble chrestienne,
Que comprinse soye entre vos esleuz,
Ce non obstant [malgré que] qu'oncques riens ne valuz.
Les biens de vous, ma dame et ma maistresse,
Sont trop plus grans que ne suis pécheresse.
Sans lesquelz biens ame ne peut merir [mériter]
N'avoir les cieulx, je n'en suis jangleresse [menteuse].
En ceste foy je vueil [veux] vivre et mourir.
A vostre Filz dictes que je suis sienne; De luy soyent mes péchiez aboluz [abolis] ; Pardonne moy comme à l'Egipcienne, Ou comme il feist au clerc Theophilus, Lequel par vous fut quitte et absoluz [absous], Combien qu'il eust au deable fait promesse. Préservez moy, que face ja mais ce.
Vierge portant, sans rompure encourir, Le sacrement qu'on célèbre à la messe.
En ceste foy je vueil vivre et mourir.
Femme je suis povrette et ancienne.
Qui riens ne sçay ; oncques lettre ne leuz.
Au moustier voy [je vois] dont suis paroissienne
Paradis paint, où sont harpes et luz [luths].
Et ung enfer où dampnez sont boulluz [bouillis] ;
L'uiig me fait paour, l'autre joye et liesse.
La joye avoir me fay, haulte Déesse,
A qui pécheurs doivent tous recourir,
FRANÇOIS VILLON
Comblez de foy, sans fainte ne paresse. En ceste foy je vueil vivre et mourir.
Envoi.
«cjous portastes, digne Vierge, princesse, i-Hcsus régnant, qui n'a ne fin ne cesse, fe Tout Puissant, prenant nostre foiblesse, t-iaissa les cieulx et nous vint secourir, offrit à mort sa très chière jeunesse.
Rostre Seigneur tel est, tel le confesse, En ceste foy je vueil vivre et mourir.
Item, m'amour, ma chiere rose,
Ne luy laisse ne cuer ne foye :
Elle aimeroit mieulx autre chose,
Combien qu'elle ait assez monnoye :
Quoy ? une grant bource de soye,
Plaine d'escuz, parfonde 'profonde] et large :
Mais pendu soit il — que je soye —
Qui luy lairra escu ne targe.
Car elle en a, sans moy, assez,
Mais de cela il ne m'en chault ;
Mes plus grans dueilz en sont passez :
Plus n'en ay le croppion chault.
Si m'en desmetz aux hoirs Michault,
Priez pour luy, faictes ung sault :
A Saint Satur gist [il demeure], soubz Sancerre.
Ce non obstant, pour m'acquitter Envers Amours, plus qu'envers elle,
Car oncques n'y peuz acquester [acquérir]
D'espoir une seule estincelle ;
— Je ne sçay s'a tous si rebelle
A esté : ce m'est grant esmoy ;
Mais, par sainte Marie la belle !
Je n'y voy que rire pour moy —
Ceste ballade luy envoyé,
Qui se termine tout par R.
Qui la portera ? que je voye :
Ce sera Pernet de la Barre,
Pourveu, s'U rencontre en son erre [en son chemin]
Ma damoiseUe au nez tortu,
Il luy dira, sans plus enquerre :
« Orde [vilaine] paillarde, dont viens tu?»
