DU CUER ET DU CORPS DE VILLON EN FORME DE BALLADE

Qu'est-ce que j'oy [j'entends]?

— Ce suis je [c'est moi].

- Qui?

— Ton cueur, Qui ne tient mais [plus] qu'à ung petit filet Force n'ay plus, substance ne liqueur, Quand je te voy retraict ainsi seulet, Com povre chien tappy en reculet [dans un coin].

— Pour quoy est ce ?

— Pour ta folle plaisance.

— Que t'en chault il ? [Que t'importe-t-il ?]

— J'en ay la desplaisance.

Laisse m'en paix !

— Pour quoy ?

— J'y penseray.

— Quand sera ce ?

— Quant seray hors d'enfance.

— Plus ne t'en dis,

— Et je m'en passeray,

FRANÇOIS VILLON

— Que penses tu ?

— Estre homme de valeur.

— Tu as trente ans.

— C'est l'aage d'ung mullet

— Est ce enfance ?

— Nennil.

— C'est donc folleur [folie |, Qui te saisist ?

— Par où?

— Par le collet, Riens ne congnois.

— Si fais : mouches en let :

L'ung est blanc, l'autre noir, c'est la distance.

— Est ce donc tout ?

— Que veulx tu que je tance ?

Se n'est assez, je recommenceray.

— Tu es perdu !

— J'y mettray résistance.

— Plus ne t'en dis.

— Et je m'en passeray.

— J'en ay le dueil ; toy, le mal et douleur. Se feusses ung povre ydiot et folet.

Encore eusses de t'excuser couleur :

Se n'as tu soing, tout t'est ung, bel ou let. Ou la teste as plus dure qu'ung jalet [galet]. Ou mieulx te plaist qu'onneur ceste meschance ! Que respondras à ceste conséquence ?

— J'en seray hors quand je trespasseray.

— Dieu, quel confort ! Quelle sage éloquence ! Plus ne t'en dis.

— Et je m'en passeray.

Dont vient ce mal ?

— n vient de mon maleur.

Quant Saturne me feist mon fardelet ' mon fardeau], Ces maulx y meist, je le croy.

— C'est foleur :

Son seigneur es, et te tiens son varlet. Voy que Salmon escript en son rolet [ouvrage] « Homme sage, ce dit-il, a puissance Sur planètes et sur leur influence. »

— Je n'en croy riens : tel qu'ilz m'ont fait seray.

— Que dis tu ?

— Dca [oui]. Certes, c'est ma créance.

— Plus ne t'en dis,

— Et je m'en passeray.

Envoi.

Veulx tu vivre ?

— Dieu m'en doint la puissance !

U te fault..

— Quoy ?

— Remors de conscience ; Lire sans fin.

— En quoy ?

— Lire en science ; Laisser les folz !

— Bien j'y adviseray.

— Or le retien [souviens-t'en] !

— J'en ay bien souvenance,

— N'atens pas tant que viengne à desplaisance. Plus ne t'en dis,

— Et je m'en passeray.

FRANÇOIS VILLON