Si ay plus ch. F

(1) D : Balade.

Et quant ses cuers ne me vuet resjoïr,

A tout le meins deingne que ma langour

Preigne sa fin : si fera mon plaisir,

Mais que morir puisse pour sa douçour;

Car il vaut mieus,et s'est plus grand honnour,

Morir à joie humblement pour amer,

Qu'einsi languir sans merci espérer.

Plaisant accueil et gracieus attrait

Me font amer ma douce dame gente, En qui je vueil de sentement parfait Mettre mon cuer et mon corps et m'entente ; Car vrais désirs et fine amour m'en tente Qu'en regardant ma dame m'a tramis.

Si l'en mercy com ses loiaus amis.

Quant en mon cuer si doucement ha trait Son dous regart, sans menacier, qu'elle ente Un dous penser et souvenir parfait Dedens mon cuer, raisons est que je sente Les grans déduis, c'on reçoit en atente, Les quelz en moy parfaitement ha mis.

Si l'en mercy com ses loyaus amis.

Et c'est raisons, que j'ay si grant bienfait

De son regart, que son cuer me présente,

Qu'énamourer mon loyal cuer en fait,

Muer, frémir, quant elle m'est présente.

Einsi me donne Amours si bonne rente

Qu'à li servir, sans retraire, suis mis. (fol. ;6 v'. a)

Si l'en merci com ses loiaus amis.

CX III. 15. Et cornant se cuers ne me v. r. D. — Le vers manque dans F.