cuer a fait E

t t É ! gentils cuers, loyaus, dous, débonnaire,

En qui tous biens sont mis sans départir, 11 me convient de vostre dous viaire Mon corps sans cuer en plourant départir. Las ! si ne sçay que puisse devenir, Car je ne puis sans vous veoir durer ; Et si m'estuet ensus de vous aler.

Mais de vrai cuer, loiaument, sans retraire, Vous serviray tous jours sans repentir, Ne ja voloir ne me doint de retraire Dieus ne Amours, car plus chier y morir Vorroit mes cuers c'un tout seul souvenir Peûst en moy d'une autre demourer ; Et si m'estuet ensus de vous aler.

Et quant j'aim si loyaument, sans meffaire, Que j'y met tout cuer et corps et désir, Certes, moût doit mon dolent cuer desplaire, Quant long de vous me convenra languir, Car nulz ne puet plus amer ne chierir Que je vous aim, sans folie penser ; Et si m'estuet ensus de vous aler.

CXV1 (i). — ROXDEL

ueilliés avoir de moy le souvenir, Dame, de qui tout adès me souvient.