m'amesj

(1) Publ. par P. Tarbé. Agnès de Navarre-Champagne, p. 9 ; V. aussi le

Voir Dit, p. 56.

(1) F: envoy ; J : Complainte de dame.

Mais je ne fais jour et nuit que penser A vous veoir ; mais po vaut mon penser, Quant il n'est tour, subtilité ne voie, Ne manière que j'y sache ne voie ;

15 Si qu'einsi sont mi mortel anemy

Tuit mi penser, et toudis contre my.

Si n'ay confort, amis, fors que tant plour Que je cuevre ma face de mon plour.

Et quant je suis saoulé de plourer,

20 Souvenirs vient mon las cuer acorer ;

Car il n'est biens ne joie qu'il m'aporte, Einsois toudis me grieve et desconforte, Dont j'ay souvent estranglé maint souspir, Pour ce que trop parfondement souspir.

25 Après désirs ne me laisse durer.

Si n'ay pas corps pour tel fais endurer, Car foible sui, dont piessa tusse morte, S'espoirs ne fust qui un po me conforte. Et si ne say que c'est de cest espoir,

30 Car pas ne vient: si me déçoit espoir.

Et s'ay cause de penser le contraire De ce qu'il dit ; pour ce ne say que faire. Or soit einsi corne Dieu l'a ordonné ; Mais je vous ay si franchement donné

35 Moy et m'amour que c'est sans départir.

Et s'il convient m'ame dou corps partir, Ja ceste amour pour ce ne finera, Qu'après ma mort m'ame vous amera.