AJ

(1) A : Rime amoureuse, D : Rondeau, J ■■ Complainte d'amant.

C'est que vueilliez en bon gré recevoir Et qu'à vous serf de cuer, sans décevoir ;

35 Car je ne puis penser ne concevoir,

Par nulle voie, Qu'Amour pité ne face en vous mouvoir Et que ne m'en doiez plus chier avoir. Et se je puis garder ce dous espoir,

40 Plus ne querroie;

Car s' Amours vuet qu'en si haut degré soie, Tous les amans sormonteray de joie, N'en ce monde plus ne souhaideroie Joie n'avoir;

45 Et se j'y fail, pour vous morir vorroie,

Car mon heûr et tout mon temps perdroie N'en ce monde de riens ne serviroie, A dire voir.

Si qu'en vos mains gist ma vie et ma mort, 50 Mi bien, m'onneur, ma santé, mi déport,

Ne je ne puis venir à joieus port

Sans vous amer.

Et pour ce fais en tous cas mon effort De vous servir et de vous amer fort, 55 Pour ce qu'avoir ne puis sans vous confort

De maus d'amer; Et se souvent ne puis à vous aler, Ou envoier ou escrire ou parler, Douce dame, vueilliez considérer 60 L'amour que port

Dedens mon cuer pour vo viaire cler, Et lors sarez qu'en vous sont mi penser Et mi désir et m'amour qui n'a per

Et mi ressort.