serves C

É ! gentils cuers, me convient il morir Pour vous que j'aim mieus que mi proprement ? Certes, oïl. Amours le vuet souffrir Qui loing de vous m'ocist à grief tourment. 5 Mais onques mais nul homs si liement

Ne reçut mort com je la recevrai.

Puis que pour vous et pour amer morrai.

Car tous li mons le me devra tenir A grant honneur, se je muir ensement, 10 Et tuit amant devront Amour fuir,

S'elle m'ocist pour amer loiaument.

En li en est, face en tout son talent, Car ja pour ce maistié n'en penserai, Puis que pour vous et pour amer morrai.

15 C'est drois, car j'ay tous jours eu désir,

Puis que j'empris l'amer premièrement,

De son voloir parfaire et acomplir ;

Et se morir puis amoureusement

Pour acomplir son dous commandement,

20 II m'est avis que douce mort arai,

Puis que pour vous et pour amer morrai.