XXXVIII. — BALADE

On verroit maint amant désespérer De la doleur que mes las cuers endure, Et bonne Amour fuir et eschuer, Einsi con gens qui n'ont de joie cure. 5 .Mais ja pour ce n'en penseray laidure,

Einsois en vueil très humblement loer Loyal Amour et ma dame sans per.

Et si me fait tant de mal endurer Que perdu ay toute m'envoiseûre, io Ne nulle riens ne me puet conforter,

Qu'Eûrs me het et Fortune m'est dure.

Et s'ay paour, comment que maus me dure, Qu'assez ne puisse en ma vie honnorer (fol. 40 >«. a) Loyal Amour et ma dame sans per.

15 Ainsi me va de loyaument amer;

Car je y ay mis mon désir et ma cure,

Et si ne puis veoir ne remirer

Le gentil corps ne la douce figure

De ma dame, que j'aim sans mespresure.